Alessandro Lambruschini

Alessandro Lambruschini
Statsborgarskap	Italia
Fødd	7. januar 1965 (59 år) Fucecchio
Idrett	friidrett
Tok del i	Sommar-OL 1996, Sommar-OL 1988
Utmerkingar	ridder av Republikken Italias fortjenstorden

Alessandro Lambruschini (fødd 7. januar 1965) er ein italiensk tidlegare hinderløpar frå Fucecchio i provinsen Firenze. Han vart europameister på 3000 meter hinder i 1994 og vann elles ein sølvmedalje og tre bronsemedaljar i ulike EM, VM og olympiske leikar i tida 1990-98.

Aktiv

Lambruschini var gjennom ein tiårsperiode ein av dei aller beste europeiske hinderløparane. Han fekk sitt gjennombrot då han vann øvinga i mellomhavsleikane 1987 i Latakia i Syria, fire år seinare forsvarte han meistertittelen i Aten. I 1987 sette han elles personleg rekord på 1500 m med 3.35,2, ei tid som viste hans framifrå fartseigenskapar.

Både under sommarleikane 1988 og 1992 vart Lambruschini nummer fire på 3000 meter hinder, før han så i 1996 vann ein bronsemedalje under Sommar-OL i Atlanta. Det var tredje bronsmedaljen i ein internasjonal meisterskap. I 1990 vart han nummer tre under EM, og same plassen på sigerspallen fekk han i VM 1993 i Stuttgart. Med tida 8.08,7 sprang han i Stuttgart sitt aller snøggaste hinderløp nokon gong. I alle desse nemnde OL- og VM-tevlingane vart han slått einast av kenyanske løparar.

I 1994 vann Lambruschini gullmedaljen på 3000 n hinder då EM i friidrett fann stad i Helsingfors. Fire år seinare tok han ein ny EM-sølv, tyske Damian Kallabis vann ein greis siger.

Medaljar og plasseringar i internasjonale meisterskap

• VM 1987 i Roma: Nr 9 – 8.24,2
• OL 1988 i Seoul: Nr 4 – 8.12,1
• EM 1990 i Split: Bronsemedalje – 8.15,8
• OL 1992 i Barcelona: Nr 4 – 8.15,5
• VM 1993 i Stuttgart: Bronsemedalje – 8.08,7
• EM 1994 i Helsingfors: Gullmedalje – 8.28,6, framom Angelo Carosi (8.29,1)
• VM 1995 i Göteborg: Nr 10 – 8.22,6
• OL 1996 i Atlanta: Bronsemedalje – 8.11,2
• VM 1997 i Aten: Braut i semifinalen
• EM 1998 i Budapest: Sølvmedalje – 8.16,7, bakom Damian Kallabis (8.13,1)

Kjelder

• Denne artikkelen bygger på «Alessandro Lambruschini» frå Wikipedia på engelsk, den 9. mai 2015.