Alexander Seippel
| Alexander Seippel | |||
 | |||
| Fødd | Heinrich Julius Manfred Alexander Seippel 22. januar 1851 | ||
|---|---|---|---|
| Død | 22. april 1938 | ||
| Nasjonalitet | Noreg | ||
| Yrke | filolog, omsetjar | ||
| Institusjonar | Universitetet i Oslo | ||
| Barn | Torbjørn Leopold Seippel | ||
Heinrich Julius Manfred Alexander Seippel (22. januar 1851–22. april 1938) var ein norsk filolog, folkeminnesamlar og bibelomsetjar. Alexander Seippel er i dag best kjend for å ha stått for om lag halvparten av den første nynorske bibelomsetjinga som Studentmållaget i Oslo gav ut 1921.
Bakgrunn[endre | endre wikiteksten]
Seippel var fødd i Kristiansand som son av en tysk forretningsmann. Han voks opp i Kristiansand Frøysnes. I 1868 tok han artium og i 1873 vart han cand.mag. etter studier i gresk og latin. Deretter følgde om lag 12 år med studie og studiereiser før han i 1886 vart utnemnd til professor i semittiske språk ved Universitetet i Oslo.
Virke[endre | endre wikiteksten]
Som språkforskar gjorde Seippel ein stor innsats ved at han samla omtale av Norden og nordiske tilhøve i arabiske skrifter. Arbeidet vart utgjeve i 2 band Rerum Normannicarum fontes Arabici, i 1896 og 1928.
Seippel skreiv sjølv lyrikk, han samla stev i Setesdal, og gjendikta lyrikarar som Hafiz og Omar Khayyam. Då Fyrebilsbibelen vart utgjeven av Studentmållaget i 1921, stod Seippel bak halvdelen av omsetjinga. Det fyrste offentlege forsøket hans var Fyrste Mose-bok eller Upphavs-boki. Umsett fraa grunn-teksti, utgjeven i 1905 som vedlegg til Syn og Segn.
|
[Bibelmålet] «laut vera so folkelegt som råd var; difor sette eg meg fyre at eg inkje vilde skrive ei setning som eg inkje visste eller trudde at ein norsk bonde kunde segja.»
Seippel, 1932, om Studentmållagsbibelen
|
Han vart Riddar av 1. klasse av St. Olavs Orden i 1896, og forfremja til Kommandør i 1938. Han vart medlem av Det Norske Vitenskaps-Akademi i 1897, og vart utnemnd til statsstipendiat då han vart pensjonert i 1922. Alexander Seippel døydde i Oslo.
Kjelder[endre | endre wikiteksten]
- Sylfest Lomheim, Aasulv Lande, Gunnar Stubseid. Sjønna på Elbursfjell. Alexander Seippel - livet og livsverket. Høyskoleforlaget, 2001. ISBN 82-7634-339-2
- Sylfest Lomheim. «Alexander Seippel» I. Norsk biografisk leksikon, 2. utg.
- sambok 24 bøker av/om/ved A. Seippel
- Bibelselskapet Arkivert 2008-12-16 ved Wayback Machine.
Bakgrunnsstoff[endre | endre wikiteksten]
- gamal.nynorsk.no Arkivert 2012-06-18 ved Wayback Machine. Fyrebilsbibelen i fulltekst