Alf Ertsland
| Alf Ertsland | |
| Statsborgarskap | Noreg |
| Fødd | 4. mai 1946 (78 år) |
| Yrke | teiknar, kunstmålar |
Alf Ersland (fødd 4. mai 1946) er ein norsk biletkunstnar som særleg er kjend for dei abstrakte oljemåleria sine. Elles arbeider han med teikning, grafikk og foto. Han er fødd i Hamre kommune og oppvaksen på Sunde i Sunnhordland. Han er busett på Ekely i Oslo.
Ertsland utdanna seg ved Statens håndverks- og kunstindustriskole og Statens Kunstakademi. Han debuterte på Haustutstillinga i 1972, og har vore representert der dei fleste år seinare. Elles har han hatt ei rekkje separatutstillingar og har delteke på kollektiv- og gruppeutstillingar. Han er mellom anna innkjøpt av Riksgalleriet, Nasjonalgalleriet, H.K.H. Dronning Sonja og Nordisk kunstsenter, Helsingfors.
Han arbeidde som 1. amanuensis ved Statens håndverks- og kunstindustriskole 1981-1996.