Alliansen av små øystatar

	Alliansen av små øystatar
Skipa	1990
Leiar	Ahmed Sareer
Nettstad	http://www.aosis.org/

Alliansen av små øystatar (AOSIS: Alliance of Small Island States) er ei gruppering av land som omfattar små øyar og lågtliggjande kystland. Organisasjonen vart skipa i 1990. Formålet med alliansen er å konsolidere desse små øystatane og interessene til utviklingsland i kampen mot klimaendringa og den globale oppvarminga. AOSIS har 42 medlemsland og observatørar (39 medlemmar og tre med observatøtstatus) frå heile kloden. Dei representerer desse områda og regionane: Karibia, Indiahavet, Middelhavet, Stillehavet og Sørkinahavet. 37 av landa er medlemmar av Dei sameinte nasjonane (SN). Alliansen representerer 28 % av utviklingslanda, 20 % av dei totale medlemslanda til SN og 5 % av folkesetnaden i verda.