Alversund kyrkje

Frå Wikipedia – det frie oppslagsverket
Alversund kyrkje
kyrkje
Land  Noreg
Fylke Vestland
Kommune Alver
Kyrkjesamfunn Den norske kyrkja
Bispedøme Bjørgvin
Prosti Nordhordland
Sokn Alversund
Fellesråd Lindås
Type Langkyrkje
Arkitekt Jon Jonsen Alvær[1]
Material Tre
Innvigd 27. mai 1879[1]
 - Endringar Pussa opp til jubileet i 1979
Kyrkjegard Ved kyrkja
Sitjeplassar 200 sitjeplassar
Kart
Alversund kyrkje
60°34′20″ N 5°13′60″ E
Wikimedia Commons: Alversund kyrkje

Alversund kyrkje er ei langkyrkje frå 1879, som står i Alversund i Alver kommune i Vestland fylke.

Alversund kyrkje is located in Hordaland
Plasseringa til Alversund kyrkje
Kyrkjelydshuset ved Alversund kyrkje
Foto: B Ystebo

Kyrkja er bygd i tre og har plass til 200 personar. Orgelet er bygd av J. H. Jørgensen i 1956 og har elleve stemmer, fordelt over to manualar pluss pedal.

Det har vore kyrkje i Alversund sidan mellomalderen. I Flateyarbok er ein prest Righardt ved «Aluiru» nemnd i 1127, men det er usikkert om det med «Aluiru» her er meint Alversund. Alversund-kyrkja er sikkert nemnd i ei kjelde frå 1329, og kring 1360 er ho omtala som «aluiru» i Bergen kalvskinn. Kyrkja som er omtala på 1300-talet og utover var mest truleg ei stavkyrkje. Mellomalderkyrkja vart erstatta med ei lafta kyrkje på 1600-talet, moglegvis i 1629. 1600-talskyrkja stod til ut i 1880-åra, då ho vart riven etter at den noverande kyrkja stod ferdig i 1879.[1]

Kyrkja er soknekyrkje i Alversund sokn i Nordhordland prosti. Alversund sokn høyrde til Hamre prestegjeld til 1885,[2] og deretter til Aldersund prestegjeld til prestegjeldsordninga vart nedlagt i 2004.

Kjelder[endre | endre wikiteksten]

Fotnotar[endre | endre wikiteksten]

  1. 1,0 1,1 1,2 «Norges Kirker: «Alversund kirke»». Henta 9. april 2014.  På nettstaden til NIKU og KA
  2. «Kirkebøker, Hordaland» på nettstaden til Arkivverket, arkivert frå originalen 22. mars 2009, henta 2. april 2009 

Bakgrunnsstoff[endre | endre wikiteksten]