Hopp til innhald

Alyona Alyona

Frå Wikipedia – det frie oppslagsverket
Alyona Alyona

Fødd14. juni 1991 (35 år)
FødestadKapitanivka
FødenamnAljona Olehivna Savranenko
ukrainsk Альо́на Олегівна Савране́нко
AliasAlyona Alyona
OpphavUkraina
Aktiv2018–
Sjangerhiphop
Instrumentvokal
Verka somrappar, songar-låtskrivar, filmskodespelar
PrisarANCHOR Award, Women in Arts Award

Aljona Olehivna Savranenko[a] (fødd 14. juni 1991), kjend under artistnamnet Alyona Alyona, er ein ukrainsk rappar, songar og låtskrivar. I 2019 gav ho ut debutalbumet sitt, Pusjka (Пушка), etterfølgd av ein EP same år, V khati MA (В хаті МА).

I 2024 representerte Alyona Alyona, saman med Jerry Heil, Ukraina i Eurovision Song Contest 2024 med songen «Teresa & Maria».

Bakgrunn

[endre | endre wikiteksten]

Aljona Savranenko blei fødd den 14. juni 1991 i den byliknande busetnaden Kapitanivka i Novomyrhorod rajon i Kirovohrad oblast.[1] Ho har to bachelorgrader, der den eine kjem frå Hrihorij Skovoroda pedagogiske statsuniversitet i Perejaslav.[2] Før ho byrja med rapping jobba ho som lærar ved Teremok barnehage i Barysjivka i Kyiv oblast.[3][4] Ho leia deretter barnehagen i nabolandsbyen Dernivka.[5] Totalt jobba Savranenko i fire år i barnehagar, og forlet jobben då ho oppnådde popularitet.

Musikkarriere

[endre | endre wikiteksten]

Alyona Alyona byrja å skrive rapmusikk på midten av 2000-åra, med fleire forsøk på å nå eit breiare publikum. Det opphavlege scenenamnet hennar var Alyona Al.kaida.

Under det noverande aliaset sitt gav Alyona Alyona ut sitt fyrste videoklipp i oktober 2018, for songen «Rybky» (Рибки).[6][7] Den 24. oktober gav ho ut det andre videoklippet av same spor, denne gongen med profesjonell regi. Den 12. november gav ho ut videoklippet av «Holovy» (Голови), som fekk ein million syningar på YouTube den fyrste månaden.[8] Dette blei følgd av ytterlegare to videoklipp: «Vidtsjynjaj» ("Відчиняй") 30. november, og «Zalysjaju svij dim» ("Залишаю свій дім") i desember. Sistnemnde skildrar symbolsk artisten som forlet Barysjivka, heimbyen sin.

I januar 2019, midt i ein politisk skandale som involverte president Porosjenko, gav Alyona Alyona ut ein ny song, med tittelen «Obitsianky» ("Обіцянки").[9][10] Seinare same år, den 8. april, gav Alyona Alyona ut sitt fyrste album, Pusjka (Пушка), i tillegg til videoklippet av det homonyme hovudsporet.[11] Albumet inneheld fire tidlegare utgjevne songer, i tillegg til ni nye, inkludert «Padlo» (Падло), i eit samarbeid med Alina Pasj.[12][13] Alyona Alyona blei omtalt i {Vogue-utgåva den månaden som «Ukrainas mest usannsynlege rapstjerne».[14][15]

Alyona Alyona opptredde på Sziget-festivalen i Budapest i august 2019.[16] I desember 2019 skreiv ho teksten til songen «Vilna» (Вільна), ein song framført av Tina Karol og Julija Sanina og inkludert i lydsporet til den ukrainske spelefilmen Viddana.[17] Den 7. februar 2020 skreiv ho kontrakt med det polske plateselskapet Def Jam Polska.[18] 15. januar 2021 vann Alyona Alyona Public Choice Award i Music Moves Europe Talent Awards-konkurransen.[19]

Alyona Alyona var ein del av den ukrainske jurygruppa for Eurovision Song Contest 2021. I 2024 var ho og Jerry Heil blant finalistane i Vidbir 2024, den ukrainske uttakinga til Eurovision Song Contest 2024, med songen «Teresa & Maria».[20] Duoen vann finalen 4. februar 2024, og fekk dermed retten til å representere Ukraina i Eurovision Song Contest i Malmö.[21] I Eurovision Song Contest blei Alyona Alyona og Jerry Heil trekte til å delta i den fyrste semifinalen, der dei blei nummer to av 15 deltakarar med 173 poeng. Dei kvalifiserte seg til finalen, der dei ble nummer tre av 26 deltakarar med 453 poeng.[22][23]

Merknadar

[endre | endre wikiteksten]
  1. ↑ ukrainsk: Альо́на Олегівна Савране́нко

Kjelder

[endre | endre wikiteksten]
  1. ↑ «Українськареперка потрапила до глянцю Vogue» (på ukrainsk). Gazeta.ua. 2019-05-12. Arkivert frå originalen den 15. april 2019. Henta 22. april 2020.
  2. ↑ Свобода, Радіо (14. november 2018). «alyonaalyona, бодіпозитив і "Рибки". Інтерв'ю нової зірки українського репу». Радіо Свобода (på ukrainsk). Arkivert frå originalen den 1. desember 2018. Henta 2018-11-30.
  3. ↑ «ДНЗ" ТЕРЕМОК" - Електронна реєстрація в заклади дошкільної освіти» (på ukrainsk). Arkivert frå originalen 2018-12-01. Henta 2018-12-03.
  4. ↑ «Педагогічнийколектив - Баришівський дошкільний навчальний заклад ясла-садок "Теремок" комбінованого типу» (på ukrainsk). Arkivert frå originalen 2018-03-09. Henta 2018-12-03.
  5. ↑ «ЗіркаYouTube та вихователька дитсадка alyona alyona випустила новий кліп» (på ukrainsk). theBabel. 2018-11-30. Arkivert frå originalen den 15. april 2019. Henta 22. april 2020.
  6. ↑ «Знайомтесь, alyona alyona — нова реп-зірка і вихователька у дитсадку Баришівки» (på ukrainsk). 2018-10-17. Arkivert frå originalen 2018-12-01. Henta 2018-12-02.
  7. ↑ «alyonaalyona: вихователька з дитячого садка стала сенсацією українського репу» (på ukrainsk). 2018-10-17. Arkivert frå originalen 2018-12-02. Henta 2018-12-02.
  8. ↑ «Українська"реп-вихователька" Alyona Alyona зібрала свій перший мільйон переглядів на YouTube» (på ukrainsk). 2018-12-13. Arkivert frå originalen 2019-04-14. Henta 2019-04-14.
  9. ↑ Torop, Oksana; Cervonenko, Vitalii; Homenko, Sveatoslav (2019-01-29). «Ярош, Подерв'янський та Епіфаній: хто ще провів Порошенка на вибори». Arkivert frå originalen den 21. februar 2019. Henta 2019-02-20.
  10. ↑ «СпівачкаAlyona Alyona записала пісню після скандалу з форумом Порошенка» (på ukrainsk). 30. januar 2019. Arkivert frå originalen den 10. mars 2024. Henta 2019-02-20.
  11. ↑ «alyonaalyona – Пушка (Альбом)» (på ukrainsk). 2019-04-08. Arkivert frå originalen 2019-04-14. Henta 2019-04-14.
  12. ↑ «Атепер під дикий біт всіх кидає в піт. Alyona Alyona випустила дебютний альбом» (på ukrainsk). 2019-04-08. Arkivert frå originalen 2019-04-14. Henta 2019-04-14.
  13. ↑ «AlyonaAlyona & Alina Pash – Падло (Кліп)». notatky.com.ua (på ukrainsk). 2019-04-15. Arkivert frå originalen den 2019-12-15. Henta 2019-04-15.
  14. ↑ «Українськахіп-хоп виконавиця Alyona Alyona прикрасила сторінки американського Vogue» (på ukrainsk). 2019-04-12. Arkivert frå originalen den 12. april 2019. Henta 2019-04-12.
  15. ↑ «MeetAlyona Alyona, Ukraine's Most Unlikely Rap Star». Vogue. 2019. Arkivert frå originalen 2019-04-15.
  16. ↑ «AlyonaAlyona виступила на фестивалі Sziget». 2019-08-08. Arkivert frå originalen den 9. august 2019. Henta 2019-11-25.
  17. ↑ «Реперкаalyona alyona написала пісню для Тіни Кароль та Юлії Саніної» (på ukrainsk). Henta 2020-01-08.{{cite web}}: CS1 maint: deprecated archival service (link)
  18. ↑ Szczuka, Klementyna (2020-02-07). «Pierwszazagraniczna artystka w szeregach Def Jam Polska!» (på polsk). Arkivert frå originalen 2020-02-11. Henta 2020-02-11.
  19. ↑ «Rapper from Ukraine wins Music Moves Europe Talent Award co-funded by Creative Europe». Arkivert frå originalen den 19. januar 2021. Henta 7. mars 2021.
  20. ↑ Farren, Neil (2023-11-17). «Ukraine: Vidbir 2024 Finalists Announced». Eurovoix. Arkivert frå originalen den 17. november 2023. Henta 2023-11-17.
  21. ↑ «AlyonaAlyona and Jerry Heil win in Ukraine». Eurovision.tv. European Broadcasting Union. 2024-02-04. Arkivert frå originalen den 2024-02-04. Henta 2024-02-04.
  22. ↑ Holdiness, Timothy. «Eurovision 2024 Semi-Final One Qualifiers». ESCXTRA (på britisk engelsk). Arkivert frå originalen den 14. mai 2024. Henta 2024-05-17.
  23. ↑ Sturtridge, Isaac. «REVEALED: The Eurovision 2024 semi-final and final jury/televote detailed voting results». ESCXTRA (på britisk engelsk). Arkivert frå originalen den 15. mai 2024. Henta 2024-05-17.
Henta frå «https://nn.wikipedia.org/w/index.php?title=Alyona_Alyona&oldid=3595404»