Amazonisfugl
| Amazonisfugl | |
 Amazonisfuglhann | |
 Amazonisfuglhoe | |
| Utbreiing og status | |
Status i verda:  Livskraftig Utbreiinga av Amazonisfugl | |
| Systematikk | |
| Underrekkje: | Virveldyr Vertebrata |
| Klasse: | Fuglar Aves |
| Orden: | Råkefuglar Coraciiformes |
| Underorden: | Alcedines |
| Familie: | Isfuglfamilien Alcedinidae |
| Underfamilie: | Cerylinae |
| Slekt: | Chloroceryle |
| Art: | Amazonisfugl C. amazona |
| Vitskapleg namn | |
| Chloroceryle amazona | |
Amazonisfugl (Chloroceryle amazona) er ein fugl i isfuglfamilien som lever innanfor alle land i Mellom-Amerika og store delar av Sør-Amerika aust for Andesfjella.
Skildring[endre | endre wikiteksten]
Dette er ein stor isfugl, ca. 30 centimeter i kroppslengd, hannfuglar kan vege opptil 121 gram, hoer 125 til 140 gram. Fjørdrakta har mørk grøn overside og kvit underside. Hovudet er grønt, men dei har ein kvit halsring. Hannar har eit breitt oransje brystband. Hos hofuglen er brystet grønt mot sidene, med eit kvitt sentralt felt.[1]
Utbreiingsområdet er todelt. Frå sørlege Mexico gjennom Mellom-Amerika til nordvestlege Colombia. I tillegg eit samanhengande område av det meste av Sør-Amerika aust for Andes sør til og med Uruguay og nordaustlege Argentina, omtrent til La Rioja og Buenos Aires. Habitatet er elvebreidder, breidder av innsjøar, lagunar med brakkvatn og mangrovar ved kysten. Dei kan leve opptil 2500 moh. i Venezuela, elles under 1200 moh.
Som andre isfuglar er hovuddietten fisk. Mest vanleg jaktar dei frå ei grein, speidar etter byttet, og stupdukkar rett ned i vatnet etter byttet. Men det førekjem at dei «stillar» over vatnet før dei stupdukkar.[1]
Storleiken på populasjonen er estimert til mellom 0,5 til 5 millionar kjønnsmodne individ og er trudd å vere minkande. Arten er klassifisert som globalt livskraftig, LC.[2]
Kjelder[endre | endre wikiteksten]
- Referansar
- ↑ 1,0 1,1 Woodall, P. F. and G. M. Kirwan (2020). Amazon Kingfisher (Chloroceryle amazona), version 1.0. In Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, NY, USA. https://doi.org/10.2173/bow.amakin1.01
- ↑ BirdLife International (2021) Species factsheet: Chloroceryle amazona. Henta frå http://www.birdlife.org den 13. januar 2021
