Amazonpapegøyar
| Amazonpapegøyar | |
 Skjelgranamazon, Amazona pretrei Foto: Paulo Barradas
| |
| Systematikk | |
| Rike: | Dyr Animalia |
| Rekkje: | Ryggstrengdyr Chordata |
| Underrekkje: | Virveldyr Vertebrata |
| Klasse: | Fuglar Aves |
| Orden: | Papegøyefuglar Psittaciformes |
| Familie: | Papegøyefamilien Psittacidae |
| Underfamilie: | Arinae |
| Slekt: | Amazonpapegøyar Amazona Lesson, 1830 |
Amazonpapegøye er det vanlege namnet for ein papegøye av slekta Amazona. Dette er mellomstore papegøyar med naturleg leveområde i «den nye verda», frå Sør-Amerika til Mexico og Karibia.
Dette er ganske store, grøne papegøyar med karakteristiske fargemønster i ansiktet og vanlegvis ein farga speculum vengspegel på armsvingfjørene, hovudsakleg synlege i flukt. Mange har ein naken kvit eller lys augering og nokre få har raudt på skuldrene. Kvar art har sitt karakteristiske rop, utan lætet kan det vere vanskelege å fastsetje arten.[1]
Karakteristisk for alle i slekta er flukta som går høgt, med stive og korte vengeslag.[1] Dei flyg ofte parvis i store flokkar mellom staden for beiting og for nattkvile. Halane er noko rektangulært forma. Dei beitar oppe i trekronene[1] og lever hovudsakleg på frø, nøtter og frukt, supplert med lauvverk.
Amazonpapegøyar varierer i storleik frå ca. 25 cm til 45 cm, dei fleste er relativt store papegøyar, frå ca. 30 til 38 centimeter i lengd. Dei minste artane er kvitpanneamazon,[2] som lever i Mexico og Mellom-Amerika, og dvergamazon,[3] endemisk for Jamaica. Den største er keisaramazon, ein trua art, endemisk for Dominica.[4]
Mange amazonpapegøyar har ei oppsiktsvekkjande evne til å etterlikne menneskeleg tale og andre lydar. Delvis på grunn av dette er dei populære som kjæledyr eller burfuglar, og ein liten industri er utvikla med avlspapegøyar i fangenskap for denne marknaden. Denne populariteten har ført til at mange papegøyar blir tatt ut frå naturen i den grad at nokre artar har vorte truga. For å verne ville populasjonar, har CITES-traktatar har gjort fangst ville papegøyar for handel ulovleg.
Artslista[endre | endre wikiteksten]
Amazonpapegøyar i rekkjefølgje etter Clementslista versjon 6.8 frå august 2013[5] med norske namn etter Norske navn på verdens fugler.[6]
- Raudryggamazon, Amazona festiva, Festive Parrot, VU, Linné, 1758
- Vinamazon, Amazona vinacea, Vinaceous-breasted Parrot, EN, Kuhl, 1820
- Oreamazon, Amazona tucumana, Tucuman Parrot, VU, Cabanis, 1885
- Skjelgranamazon, Amazona pretrei, Red-spectacled Parrot, VU, Temminck, 1830
- Grønkinnamazon, Amazona viridigenalis, Red-crowned Parrot, EN, Cassin, 1853
- Lillakroneamazon, Amazona finschi, Lilac-crowned Parrot, VU, Sclater, 1864
- Gulkinnamazon, Amazona autumnalis, Red-lored Parrot, LC, Linné, 1758
- Blåkinnamazon, Amazona dufresniana, Blue-cheeked Parrot, NT, Shaw, 1812
- Flammemaskeamazon, Amazona rhodocorytha, Red-browed Parrot, EN, Salvadori, 1890
- Dominicaamazon, Amazona arausiaca, Red-necked Parrot, VU, Müller, 1776
- Saintluciaamazon, Amazona versicolor, St. Lucia Parrot, VU, Müller, 1776
- Gulnakkeamazon, Amazona auropalliata, Yellow-naped Parrot, VU, Lesson, 1842
- Gulhovudamazon, Amazona oratrix, Yellow-headed Parrot, EN, Ridgway, 1887
- Gulkroneamazon, Amazona ochrocephala, Yellow-crowned Parrot, LC, Gmelin, 1788
- Gulmaskeamazon, Amazona barbadensis, Yellow-shouldered Parrot, VU, Gmelin, 1788
- Blåpanneamazon, Amazona aestiva, Turquoise-fronted Parrot, LC, Linné, 1758
- Dvergamazon, Amazona agilis, Black-billed Parrot, VU, Linné, 1758
- Kvitpanneamazon, Amazona albifrons, White-fronted Parrot, LC, Sparrman, 1788
- Gultygelamazon, Amazona xantholora, Yellow-lored Parrot, LC, Gray, 1859
- Rosenstrupeamazon, Amazona collaria, Yellow-billed Parrot, VU, Linné, 1758
- Kubaamazon, Amazona leucocephala, Cuban Parrot, NT, Linné, 1758
- Hispaniolaamazon, Amazona ventralis, Hispaniolan Parrot, VU, Müller, 1776
- Puertoricoamazon, Amazona vittata, Puerto Rican Parrot, CR, Boddaert, 1783
- Melamazon, Amazona farinosa, Mealy Parrot, LC, Boddaert, 1783
- Grimeamazon, Amazona kawalli, Kawall's Parrot, NT, Grantsau & Camargo, 1989
- Keisaramazon, Amazona imperialis, Imperial Parrot, EN, Richmond, 1899
- Eldhaleamazon, Amazona brasiliensis, Red-tailed Parrot, VU, Linné, 1758
- Kongeamazon, Amazona guildingii, St. Vincent Parrot, VU, Vigors, 1837
- Oransjevengamazon, Amazona amazonica, Orange-winged Parrot, LC, Linné, 1766
- Andesamazon, Amazona mercenarius, Scaly-naped Parrot, LC, Tschudi, 1844
Kjelder[endre | endre wikiteksten]
- Denne artikkelen dels byggjer på «Amazon parrot» frå Wikipedia på engelsk, den 26. februar 2012
- Ridgeley, Robert S. Paul J. Greenfield, The Birds of Ecuador vol II, Christopher Helm London (2001) ISBN 0-7136-6117-8</
Referansar[endre | endre wikiteksten]
- ↑ 1,0 1,1 1,2 Ridgeley, Robert et al, side 199
- ↑ World Association of Zoos and Aquariums White-fronted amazon Arkivert 2012-01-22 ved Wayback Machine. Lese 28. februar 2012
- ↑ BirdLife Species Factsheet: Om dvergamazon Arkivert 2011-05-25 ved Wayback Machine. Lese 28. februar 2012
- ↑ BirdLife Species Factsheet: Om keisaramazon Arkivert 2016-04-11 ved Wayback Machine. Lese 28. februar 2012
- ↑ Clements, J.F.; T.S. Schulenberg; M.J. Iliff; B.L. Sullivan; C.L. Wood; D. Roberson (august 2013), The eBird/Clements checklist of birds of the world: Version 6.8 (CSV), Cornell Lab of Ornithology, henta 10. august 2014
- ↑ Syvertsen, P. O., Ree, V., Hansen, O. B., Syvertsen, Ø., Bergan, M., Kvam, H., Viker, M. & Axelsen, T. 2008. Virksomheten til Norsk navnekomité for fugl (NNKF) 1990-2008. Norske navn på verdens fugler. Norsk Ornitologisk Forening sin nettstad (publisert 22.5.2008)
