Ambros Sollid
| Ambros Sollid | |||
| Fødd | 21. mai 1880 Heddal | ||
|---|---|---|---|
| Død | 9. februar 1973 (92 år) | ||
| Statsborgar av | Noreg | ||
| Parti | Venstre | ||
| Yrke | agronom, politikar | ||
| Alle verv |
| ||
Ambros Sollid (21. mai 1880–9. februar 1973) var ein norsk tenestemann og politikar frå Heddal i Telemark. Han representerte partiet Venstre på Stortinget frå 1937-45.
Sollid var son til ein gardbrukar og lærar. Sjølv tok han eksamen ved Bratsberg amts landbruksskule i 1899 og ved Norges landbrukshøyskole i 1902. Dei neste åra underviste han på Seljord friseminar og til 1905 på Telemark folkehøgskule. Skuleåret 1905/06 var han lærar og gardsstyrar på Telemark landbruksskule. I 1906 fekk han stillinga som fylkesagronom i Telemark, samstundes redigerte han til 1915 landbruksstoffet i avisa «Varden». Frå 1920 hadde Sollid jobben som sekretær i Telemarks landbruksselskap, heilt til han i mars 1944 vart avsett av nazi-styresmakter. Då krigen var over i mai 1945 fekk han tilbake stillinga. Til sist fylkeslandbrukssjef i Telemark frå 1949.
Sollid var medlem av bystyret i Skien frå 1929 til 1945; varaordførar 1932-34 og ordførar 1935-1937. Samstundes som han var varaordførar var han formann i skulestyret. Hausten 1936 vart han vald til stortingsrepresentant frå dei åtte kjøpstadene i Telemark og Aust-Agder som representant for Venstre. På Tinget hadde han plass i Militærkomiteen.
I 1927 fekk Sollid utgitt Telemark Landbruksselskap 1777-1877.
Kjelder
[endre | endre wikiteksten]- Biografisk informasjon om Ambros Sollid ved PolSys hos Sikt – Kunnskapssektorens tjenesteleverandør