Amerikapurpurhøne

Frå Wikipedia – det frie oppslagsverket
Hopp til navigering Hopp til søk
Amerikapurpurhøne

Status i verda: LC Livskraftig

Amerikapurpurhøne Foto: Tom Friedel
Amerikapurpurhøne
Foto: Tom Friedel
Systematikk
Rike: Animalia
Rekkje: Chordata
Klasse: Aves
Orden: Gruiformes
Familie: Rallidae
Slekt: Porphyrio
Art: P. martinicus
Namn på andre språk
  • Engelsk: Purple gallinule
  • Vitskapleg namn
    Porphyrio martinicus

    Amerikapurpurhøne (Porphyrio martinicus) er ein fugl i riksefamilien med utbreiing i sørlegaste USA, i Karibia, Mellom-Amerika og mykje av Sør-Amerika.

    Skildring[endre | endre wikiteksten]

    Dette er ei mellomstor rikse som måler 27-36 centimeter i kroppslengd, har vengespenn på 50-61 cm og veg i området ca. 150 til 300 gram. I gjennomsnitt veg vaksne hannar noko meir enn hoene. Dei har store, gule føter, lilla blå fjør med grøn rygg og raudt nebb med gul tupp. Panneblesen er lyseblå. Undergumpen er kvit. Juvenilar er i hovudsak varmbrune, med olivenfarga overside.[1]

    Arten lever i subtropisk eller tropisk lågland, ved varme sumpar og myrar i dei søraustlege delstatane i USA og dei tropiske områda i Mellom-Amerika, Karibia og Sør-Amerika sør til og med nordlege Argentina. Fuglar i Florida og tropisk Amerika er standfuglar, men dei fleste nordamerikanske hekkefuglane er trekkfuglar, og overvintrar sør til Argentina. I Sør-Amerika har dei fråvære frå Chile og generelt frå høgste Andes, men finst i opp til 4000 moh. i Peru.

    Arten førekjem som streiffuglar over store område. Ein har registrert individ så langt vest som California og Galápagos-øyane, så langt nord som Island og Labrador-halvøya, så langt sør som Sør-Georgia, og så langt aust som Noreg, Storbritannia, Kapp Verde og i stor grad i Sør-Afrika.[1]

    Reirplassen er ofte ein flytande struktur av plantemateriale i våtområde. Dei legg tre til ti egg i kullet. Dietten inneheld eit breitt spekter av plante- og dyremateriale, inkludert frø, blad og frukter av både akvatiske og jordbaserte planter, og dessutan insekt, froskar, sniglar, edderkoppar, regnormar og fisk.

    Storleiken på populasjonen er ikkje kjent, men trudd å vere minkande i Nord-Amerika.[2]

    Kjelder[endre | endre wikiteksten]

    Referansar
    1. 1,0 1,1 Taylor, B. (2017) Purple Gallinule (Porphyrio martinicus) I: del Hoyo, J., Elliott, A., Sargatal, J., Christie, D.A. & de Juana, E. (eds.) (2016). Handbook of the Birds of the World Alive. Lynx Edicions, Barcelona. Henta den 28. mai 2017
    2. BirdLife International (2017) Species factsheet: Porphyrio martinicus. Henta frå http://www.birdlife.org den 28. mai 2017

    Bakgrunnsstoff[endre | endre wikiteksten]

    Commons-logo.svg Commons har multimedia som gjeld: Amerikapurpurhøne