Amund Lo
| Amund Lo | |
| Fødd | 29. juni 1864 Nord-Fron kommune |
| Død | |
| Yrke | veterinær |
Amund Lodversson Lo (29. juni 1864–18. mai 1941) var ein norsk dyrlege frå Nord-Fron i Oppland. Han var «ein føregangsmann i næringsemnehygiene», og den fyrste leiaren av både kjøtkontrollen i Kristiania og seinare av Kristiania slaktehus.
Lo voks opp på ein storgard i grenda Sorperoa i Nord-Fron. Han var elev 1882-83 ved Tune landbruksskule. Åra 1884-89 studerte han ved veterinærhøgskulen i København, der dei fleste norske veterinærstudentane då utdanna seg.
Frå 1889 var Lo assistent hos stadsdyrlegen i Kristiania. I 1894 vart han styrar ved den nye kjøtkontrollstasjonen på Ankertorget, ein institusjon han sjølv tok initiativ til å opprette, og leidde til 1908. Han var så direktør på Oslo slaktehus frå 1913 til han pensjonerte seg i 1930.
Lo var også formann i Den norske veterinærforening ei tid. Han arbeidde særleg for å auke kjøtproduksjonen i Noreg, mellom anna gjennom føredrag og artikar i dagspressa og med faglege skrifter. Gjennom åra reiste han på mange studieturar i Skandinavia, England, Tyskland og USA.