Ana Gros

Ana Gros
Statsborgarskap	Slovenia
Fødd	21. januar 1991 (35 år) Ljubljana
Idrett	handball
Tok del i	Handball under sommar-OL 2024 – Kvinner
Utmerkingar	Årets håndballspiller i Frankrike – Beste høyreback

Ana Gros (fødd 21. januar 1991) er ein slovensk handballspelar frå Slovenj Gradec. Ho vann EHF-meisterligaen 2024 med Győri ETO. Gros er høgre rykkromspelar.

Karriere

Klubbspel

Perioden 2007 til 2010 spelte Gros to sesongar for Olimpija Ljubljana og ein for Krim Ljubljana. Deretter gjorde ho 2010-12 teneste i ungarske Győri ETO, der ho begge sesongane var med å vinne den nasjonale seriemeisterskapen og den nasjonale cupmeisterskapen. Laget spelte seg fram til finalar i EHF-meisterligaen 2012, men tapte mot Budućnost på bortemåls-regelen. Frå hausten 2012 til januar 2014 hadde Gros kontrakt med det tyske bundesliga-laget Thüringer HC. Laget gjekk i 2013 til topps i så vel pokal-turneringa som i bundesligaen. Sidan spelte Gros i fire-og-eit-halvt år på Metz HB sitt lag i Frankrike. Her vart ho fransk seriemeister i 2014, 2016, 2017 og 2018. Sommaren 2018 gjekk ho over til rivalen Brest BH. Med Brest vann ho i 2021 den franske serien og cupen. Mannskapet tok seg heilt til finalen i meisterligaen, eit oppgjer Brest tapte mot norske IK Våg|Vipers. Med totalt 135 mål vart Gros skyttardronning i turneringa. Sommaren 2021 flytta ho over til CSKA Moskva. I mars 2022 valde ho å forlate den russiske klubben og spelte resten av sesongen på Krim sitt lag i Ljubljana. 2022-24 gjorde Gros på ny teneste hos Győri ETO i Ungarn. Her vart ho ungarsk seriemeister i 2023 og vinnar av meisterligaen i 2024. Med sine 6 fulltreffarar i meisterligafinalen var ho ein tre toppskårarar i kampen mot BBM Bietigheim. Sidan hausten 2024 er Gros inne i si tredje periode hos Krim Ljubljana.

Landslagsspel

Gros spelte på Slovenia sitt landslag frå 2007 til 2024. Ho deltok i 159 landskampar og skåra 767 mål.

Merittar

• Vinnar av EHF-meisterligaen: 2024 for Győri ETO
• Slovensk seriemeister: 2010, 2022, 2025 for Krim Ljubljana
• Slovensk cupmeister: 2010, 2022, 2025 for Krim Ljubljana
• Ungarsk seriemeister 2011, 2012, 2023 for Győri ETO
• Ungarsk cupmeister: 2011, 2012 for Győri ETO
• Tysk seriemeister: 2013 for Thüringer HC
• DHB-pokalvinnar: 2013 for Thüringer HC
• Fransk seriemeister: 2014, 2016, 2017, 2018 for Metz HB – 2021 for Brest HB
• Fransk cupmeister: 2015, 2017 for Metz HB – 2021 for Brest HB
• Finalist i EHF-meisterligaen: 2012 for Győri ETO – 2021 for Brest HB

Kjelder

• Denne artikkelen bygger på «Ana Gros» frå Wikipedia på tysk, den 16. juni 2025.