Anacamptis laxiflora
| Anacamptis laxiflora | |||
| Systematikk | |||
| Rike: | Planteriket | ||
| Klasse: | Einfrøblada | ||
| Orden: | Aspargesordenen | ||
| Familie: | Orkidéfamilien | ||
| Slekt: | Anacamptis | ||
| Art: | A. laxiflora | ||
| Vitskapleg namn | |||
| Anacamptis laxiflora
(Lam.) R.M.Bateman, Pridgeon & M.W.Chase | |||
| Økologi | |||
| Habitat: | fuktig eng, myr | ||
| Utbreiing: | sørlege Europa, vestlege Asia | ||
Anacamptis laxiflora er ei plante i narrmarihandslekta Anacamptis i orkidéfamilien (marihandfamilien) Orchidaceae.[1] Ho veks ikkje i Noreg.
Systematikk
[endre | endre wikiteksten]Anacamptis laxiflora var tidlegare knytt til vårmarihandslekta Orchis med namnet Orchis laxiflora, men er, saman med fleire andre artar, flytta til slekta Anacamptis.[2] I nyare litteratur blir arten stundom kalla Paludorchis laxiflora.
I Plants of the World Online (Kew) reknar ein med desse underartane:[3]
- A. laxiflora subsp. dielsiana (Soó) H.Kretzschmar, Eccarius & H.Dietr.: Tyrkia og aust til Sentral-Asia
- A. laxiflora subsp. dinsmorei (Schltr.) H.Kretzschmar, Eccarius & H.Dietr.: Tyrkia, Midtausten
- A. laxiflora subsp. laxiflora
Utbreiing
[endre | endre wikiteksten]Anacamptis laxiflora (engelsk namn loose-flowered orchid) veks i det sørlige Europa og eit stykke austover i Asia.[3] På dei britiske øyane finst han berre på Jersey og Guernsey. Her blir han òg kalla Jersey orchid.[4]
I Benelux er arten (nederlandsk namn ijle moeraorchis, fransk namn orchis à fleurs lâches) registrert i Nederland i 1980 og attfunnen i 2020 og 2021.[5] I Belgia var han tidlegare svært sjeldan i kystområda i Flandern, men var sist registrert kring 1950. Han finst heller ikkje lenger i Vallonia.[6] Arten er ikkje raudlistevurdert i Nederland eller Flandern, men registrert som regionalt utdøydd (RE, éteint) i Vallonia.[7]
Hybridar
[endre | endre wikiteksten]Det er påvist at Anacamptis laxiflora kan danne hybridar med narrmarihand (Anacamptis laxiflora × morio, òg kalla Anacamptis ×alata).[8] Hybriden er registrert på Jersey og Guernsey.[4]
Referansar
[endre | endre wikiteksten]- ↑ «Artsdatabanken: Artsopplysningar Anacamptis laxiflora». Artsdatabanken. Henta 28. februar 2022.
- ↑ Horst Kretzschmar, Wolfgang Eccarius, Helga Dietrich (2007). The Orchid Genera Anacamptis, Orchis and Neotinea. Albersdorf, Tyskland: EchinoMedia. ISBN 978-3937107127.
- 1 2 «PoWO: Anacamptis laxiflora». Plants of the World Online. Henta 27. februar 2022.
- 1 2 Anne and Simon Harrap (2009). Orchids of Britain and Ireland (2. utg.). London: A & C Black. ISBN 978-1-408-10571-9.
- ↑ C.A.J. Kreutz, P. Alblas og W. Lammers (2023). «IJle moerasorchis (Paludorchis laxiflora) teruggevonden in Nederland». Gorteria Dutch Botanical Archives 45 (1) (Naturalis Biodiversity Center). s. 1–10. Henta 22. juli 2026.
- ↑ «Verspreidingsatlas Vaatplanten: Orchis laxiflora». FLORON. Henta 15. januar 2024.
- ↑ «La liste rouge de la flore (2026)». SPW Environnement (Service Public de Wallonie Agriculture, Ressources naturelles et Environnement - ARNE). Henta 18. juli 2026.
- ↑ «PoWO: Anacamptis × alata». Plants of the World Online. Henta 28. januar 2023.
Bakgrunnsstoff
[endre | endre wikiteksten]- (no) Anacamptis laxiflora hos Artsdatabanken
- (en) Anacamptis laxiflora i Catalogue of Life
- (en) Anacamptis laxiflora i Encyclopedia of Life
- (en) Anacamptis laxiflora i Global Biodiversity Information Facility
- (en) Anacamptis laxiflora hos NCBI
- (en) Anacamptis laxiflora hos Plants of the World Online
- (en) Anacamptis laxiflora hos The International Plant Names Index
- (en) Anacamptis laxiflora hos Tropicos
- (en) Kategori:Anacamptis laxiflora – bilete, video eller lyd på Wikimedia Commons
- (en) Anacamptis laxiflora – galleri av bilete, video eller lyd på Wikimedia Commons
- Anacamptis laxiflora – detaljert informasjon på Wikispecies
