Anders Lorange
| Anders Lorange | |||
 | |||
| Fødd | 12. mai 1847 Fredrikstad, Halden kommune | ||
|---|---|---|---|
| Død | 26. september 1888 Bergen | ||
| Nasjonalitet | Noreg | ||
| Yrke | arkeolog | ||
| Institusjonar | Universitetet i Bergen | ||
Anders Lund Lorange (12. mai 1847–26. september 1888) var ein norsk jurist og arkeolog frå Halden.
Lorange vart student i 1865 og cand.jur. i 1872. Frå 1874 til han døydde i 1888 var han tilsett som den fyrste arkeologen ved Bergens Museum.
Allereie i 1866 hadde Lorange gjort utgravingar i Østfold og 1869-70 granska Raknehaugen i Ullensaker. Han undersøkte Åkerfunnet på Vang i Hedmark i 1873 og Myklebustskipet på Nordfjordeid i 1874. Gravhaugen til Kong Bele ved Balestrand fekk han restaurert i 1884 og i 1886 gjorde han omfattande utgravingar av Storhaug ved Karmsundet. I 1887 var han innom Rønstadhelleren på Lepsøya.
Lorange var formann i Bergens-avdelinga av Fortidsminneforeningen i den tida ein nærma seg ei ferdig restaurering av Håkonshallen, og han var sentral i atterreisinga av Fantoft stavkyrkje i 1883.
Lorange fekk med åra bygt opp ei stor og viktig privat samling av oldsaker, ei samling Universitetets Oldsaksamling i Oslo overtok.
Kjelder
[endre | endre wikiteksten]- Denne artikkelen bygger på «Anders Lorange» frå Wikipedia på bokmål, den 8. juli 2017.
- Norsk Allkunnebok. VIII. Bandet. 1957