André Krogsæter

Frå Wikipedia – det frie oppslagsverket
Hopp til navigering Hopp til søk
André Krogsæter
Fødd 12. mai 1961
Oslo
Yrke fotballspelar

André Krogsæter (fødd 12. mai 1961) er ein norsk tidlegare fotballspelar frå Oslo som i tida 1981-86 vann to NM-gull og ein seriemeisterskap med Lillestrøm Sportsklubb. Midtspissen spelte fire landskampar i 1984-85.

Krogsæter spelte på fjerdedivisjonslaget Årvoll IF fram til 1979. Framfor 1980-sesongen vart han overført til Lillestrøm SK. Han skåra det eine målet då laget vann cupfinalen 1981 med 3-1 over Moss FK og alle fire måla då Lillestrøm sigra med 4-1 over Vålerenga i cupfinalen 1985. I sin sjuande og siste sesong med Lillestrøm vart han i 1986 seriemeister. Den høge midtspissen spelte i alt 128 seriekampar på Lillestrøm SK og skåra 45 seriemål. Frå 1987 var han å finne i rekkene til Oslo-laget Frigg i tredje divisjon.

Krogsæter var med i den norske OL-troppen i 1984 og deltok i alle tre kampane Noreg spelte i Los Angeles. I april 1985 spelte han sin fjerde og sist landskamp, mot Aust-Tyskland i Frankfurt an der Oder. Han kom aldri på skåringslista med landslagslagsdrakta på.

Merittar[endre | endre wikiteksten]

  • Cupmeister: 1981 og 1985 med Lillestrøm
  • Seriemeister: 1986 med Lillestrøm
  • Tapande cupfinalist: 1986 med Lillestrøm

Kjelder[endre | endre wikiteksten]