André Myhrer

Frå Wikipedia – det frie oppslagsverket
Hopp til navigering Hopp til søk
André Myhrer
Andre Myhrer Schladming 2008.jpg
Fødd 11. januar 1983
Bergsjö
Yrke alpinist
André Myhrer på Commons
André Myhrer

André Myhrer (fødd 11. januar 1983) er ein svensk alpin skirennar frå Bergsjö som vart olympisk meister i slalåm under Vinter-OL 2018 i Pyeongchang.

Myhrer spesialiserte seg i slalåm og kom på på femteplassen i øvinga under VM i alpine greiner 2005 i Bormio. Året etter enda han på delt fjerdeplass i Vinter-OL i Torino. Den 3. desember 2006 rann han ned til sin fyrste siger i eit verdscuprenn, i Beaver Creek i USA.

Myhrer kneip bronsemedaljen i slalåm då Vinter-OL 2010 fann stad i Vancouver. I tre alpine verdsmeisterskap på rad; 2013, 2015 og 2017 var Myhrer del av svenske mannskap som tok medalje i lagtevlinga. Han fekk VM-sølv i Schladming i 2013, der han elles vart fjerdemann i slalåmrennet. Både frå VM 2015 i Beaver Creek og i St. Moritz i 2017 reiste det svenske meannskapet heim med bronse frå lagtevlinga.

Nyårsdagen 2018 var Myhrer bestemann i ein parallellslalåm i Oslo, hans åttande triumf i eit verdscuprenn. Den 22. februar 2018 vann han den olympiske gullmedaljen i slalåm under vinterleikane 2018, etter at storfavorittane Marcel Hirscher og Henrik Kristoffersen missa i høvesvis fyrste og andre omgangen.

Kjelder[endre | endre wikiteksten]