Andranik Margarjan

Andranik Margarjan
Fødd	12. juni 1951 Jerevan
Død	25. mars 2007 Jerevan
Yrke	politikar
Andranik Margarjan på Commons

Andranik Margarjan (12. juni 1951–25. mars 2007), på armensk Անդրանիկ Մարգարյան, var ein armensk politikar. Han var statsminister i Armenia frå 12. mai 2000 til han døydde. Margarjan var medlem av Armenias republikanske parti (Hayastani Hanrapetakan Kusaktsutyun).

Andranik Margarjan vart medlem av Det nasjonale einskapspartiet i 1968. Dette partiet var forbode i Sovjetunionen. Margarjan gjekk inn for eit uavhengig, demokratisk Armenia. Han vart arrestert i 1974 og dømt til to års fengsel for å spreia upatriotiske idear og aktivitetar. Då Armenia vart sjølvstendig vart Margarjan med i Armenias republikanske parti i 1992. Han var formann i partiet frå 1993. President Robert Kotsjarjan utnevnde han til statsminister 12. mai 2000.

Margarjan døydde brått av hjarteinfarkt 25. mars 2007. Han var gift og hadde tre born.

Føregangar Aram Sargsian

Statsminister i Armenia 2000–2007

Etterfylgjar Serzj Sargsian