Andreas Feragen
| Andreas Feragen | |
| Statsborgarskap | Noreg |
| Fødd | 21. juli 1818 |
| Død | |
| Yrke | lærar |
Andreas Martinus Feragen (21. juli 1818–16. mai 1912) var ein norsk lærar frå Trondheim som var ein av dei mest aktivistiske av dei fyrste norskutdanna seminaristane. Han skreiv fleire pedagogiske verk og vart tidvis kalla «Skolemestrenes konge».
Feragen flytta til Kristiansand i 1839 og var elev ved Holt seminar i 1842. Han fullførte seminaret på eitt år og var så den fyrste norske seminaristen som var lærar i Kristiansand. Frå 1846 var han lærar og kyrkjesongar i Holt. Ved sidan av lærarstillinga fungerte han som øvingslærar ved seminaret, heilt til det flytta til Kristiansand i 1877. Han var lærar til han var 93 år gammal, kort før han døydde. Skulen på Holt vart kalla Feragenskolen, og er i dag skulemuseum.
Feragen sat i skulestyret i Holt i over 40 år, og var medlem av amtsskulestyret i 10 år, samt kommunerevisor i 28 år. Han var med å starte Holt sparebank, og i 1847 stifta han ei lærarforeining for Holt. Dessutan var han formann i dei lokale foreiningane for misjon og fråhald. Feragen var også medlem i fire kongelige kommisjonar som bedømte lærebøker.
Kjelder[endre | endre wikiteksten]
- Denne artikkelen bygger på «Andreas Feragen» frå Wikipedia på bokmål, den 22. juni 2016.