Andreas Vamraak

Frå Wikipedia – det frie oppslagsverket
Hopp til navigering Hopp til søk
Andreas Vamraak
Fødd 10. april 1861
Død

13. august 1936

Andreas Bergeson Vamraak (fødd 10. april 1861 i Kyrkjebø i Sogn og Fjordane, død 13. august 1936) var ein norsk målmann, lærar og klokkar.

Han tok eksamen ved Stord lærarskule i 1880 og underviste fleire stader før han byrja som lærar og klokkar i Kyrkjebø. Det var han i åra 1893–1931. I den dåverande Kyrkjebø kommune, som i dag er ein del av Høyanger, var han ordførar frå 1899 til 1904. Det var i desse åra at kommunen innførde landsmål som administrasjonsspråk.

Vamraak gav også ut Utval av norske salmar og songar til skulebruk i 1910 (med nye utgåver i 1914 og 1921) og heftet Fylkesbaatane i Sogn og Fjordane 1858–1928 i 1931. Han arbeidde utrøytteleg for landsmål generelt, og for å få inn Elias Blix-salmane i kyrkjelydane spesielt, men var sterkt imot trekkspel og dans.

Vamraak var med på å starte opp Sogns ungdomslag i 1896, og var ei drivkraft der. For dette fekk han borgardådsmedaljen i sølv i 1931.

Kjelder[endre | endre wikiteksten]