Andrew White

Andrew White
Heime i Washington, DC i 2010
Fødd	6. september 1942 (77 år)
Fødestad	Washington, District of Columbia, U.S.
Fødenamn	Andrew Nathaniel White III
Opphav	USA
Aktiv	1960 til i dag
Sjanger	Hard bop, jazz, avant-garde
Instrument	Saksofon, obo, kontrabass, piano
Tilknytte artistar	JFK Quintet
Plateselskap	Riverside Records, Andrew's Music
Verka som	Låtskrivar, musikar, artist, poet, tekstforfattar, komponist, plateprodusent,

Andrew White (fødd 6. september 1942) er ein USA-amerikansk multi-instrumentalist, musikkforskar og forleggar. Han speler særleg jazz og R'n'B på saksofon, obo og bass.

Biografi

White var fødd i Washington, D.C., og voks opp i Nashville i Tennessee. Han kom attende til Washington, D.C. i september 1960 for å studere ved Howard University. Han var ferdig der i juni 1964 med ein bachelor i musikk. Han studerte så ved Musikkonservatoriet i Paris i Frankrike.

Som saksofonist byrja White å spele jazz i september 1960 i J.F.K. Quintet. (1961-63). Han spelte seinare med Kenny Clarke (1965), Otis Redding (1967), McCoy Tyner (1970), Elvin Jones (1980-81), Beaver Harris (1983), The Julius Hemphill Saxophone Sextet (1987), The Six Winds Dutch Saxophone Sextet (1999), og i sin eigen Andrew White's ZORROSAX ALLSTARS, saksofonsekstett (2002), i tillegg hundrevis av spelejobbar med andre artistar.

Som bassist spelte White hovudsakleg med Stevie Wonder, frå 1968 til august 1970, samstundes som han spelte obo i American Ballet Theatre Orchestra. Han var òg bassist for The 5th Dimension, frå 1970 til 1976. Han spelte bass i jazzfusiongruppa Weather Report på albumet Sweetnighter, spelt inn i januar 1973 på Columbia Records.

Kjelder

• Denne artikkelen bygger på «Andrew White» frå Wikipedia på engelsk, den 11. september 2014.
  • Wikipedia på engelsk oppgav desse kjeldene:

Bakgrunnsstoff

• American International Artists