Ane Stangeland Horpestad

Frå Wikipedia – det frie oppslagsverket
Hopp til navigering Hopp til søk
Ane Stangeland Horpestad
Ane Stangeland Horpestad.jpg
Fødd 2. juni 1980
Stavanger kommune
Yrke fotballspelar
Ane Stangeland Horpestad på Commons

Ane Stangeland Horpestad (fødd 2. juni 1980) er ein tidlegare fotballspelar frå Orre i Rogaland. Ho spela for Klepp Idrettslag frå 1997 til 2008, med unnatak for år 2000, då ho var student i USA og spela på eit universitetslag, og i 2006-sesongen, då ho var med i Kolbotn IL sitt mannskap som vart seriemeistrar og spela seg fram til semifinalen i UEFA-cupen. Stangeland spela 105 landskampar for Noreg frå 1999 til ho la opp i 2008.

Ho er frå 2006 gift og busett i Sandnes.

Aktiv[endre | endre wikiteksten]

Stangeland debuterte for Klepp i 1997, klubben kom på bronseplass i serien og spela cupfinale mot Trondheims-ØrnUllevaal stadion det same året. Også i 1999 vart det seriebronse for Klepp.

Ho debuterte for Noreg i 1999, men fekk ikkje plass i meisterskapstroppane til sommar-OL 2000 og EM 2001. Si fyrste internasjonale meisterskapturnering fekk ho som høgreback i 2003. Under verdsmeisterskapen det året vart det norsk fjerdeplass, etter tap i bronsekampen mot Kina.

Frå 2005 var Stangeland kaptein for det norske kvinnelandslaget, då hadde ho fått fast plass i laget som midtstoppar. Ho leia laget fram til finalen under fotball-EM 2005, der det vart finaletap 3-1 mot heimefavorittane Tyskland.

Stangeland spela for Kolbotn IL i 2006, då klubben sikra seg sin andre seriemeistertittel etter siger over Trondheims-Ørn i siste serierunde. Same året spela seg fram til semifinalen i UEFA-cupen, der Kolbotn-kvinnene vart slått ut av svenske Umeå IK.

Ho var med også til fotball-VM 2007 og avslutta si landslagstid med sommar-OL 2008. Ved sesongslutt i 2008 la ho opp.

Merittar[endre | endre wikiteksten]

  • EM-sølv 2005 for Noreg
  • Seriemeister 2006 med Kolbotn
  • NM-sølv 1997 med Klepp
  • Bronsemedalje i serien 1997 og 1999 med Klepp

Kjelder[endre | endre wikiteksten]