Anette Sagen

Anette Sagen
Fødd	10. januar 1985 (38 år) Mosjøen
Yrke	skihoppar, skodespelar
Anette Sagen på Commons

Anette Sagen (fødd 10. januar 1985) er ein norsk skihoppar frå Hellfjellbygda i Vefsn. Som ein av dei beste kvinnelege skihopparane i verda, har ho vore ein forkjempar for kvinneleg skihopping som idrettsgrein. Ho representerer skiklubben Remma IL. Under Ski-VM 2009 vann ho bronsemedalje i normalbakke.

Anette Sagen begynte som skihoppar gjennom samarbeidsorganisasjonen Vefsnhopp.

I 2004 vart ho nekta å hoppe i Vikersund, ei sak som fekk mykje merksemd i media. Striden stod om kvinner i det heile teke er skikka til å hoppe i så store bakkar, sjølv om mange av kvinnene slo fleire menn. Torbjørn Yggeseth, formann i hoppkomiteen i det internasjonale skiforbundet, fronta vedtaket om å nekte jentene å hoppe i bakken. Til slutt enda det likevel med at jentene fekk hoppe i Vikersund, og 5. mars 2004 hoppa Sagen 174,5 meter – det lengste ei norsk kvinne har hoppa på ski. Berre austerrikske Daniela Iraschko har hoppa lengre enn Sagen.

3. mars 2010 fekk ho æra av å gjere det første offisielle hoppet i den nye Holmenkollen.

Merittar

Ski-VM

• Bronsemedalje, normalbakke K90 under Verdsmeisterskapen i Liberec, 2009
• Vinnar av FIS Ladies Grand Prix (tilsvarande Hoppveka for menn) 2003, 2004, 2006 og 2008
• Vinnar av Continental Cup Ladies (tilsvarande verdscupen for menn) 2004/2005, 2005/2006, 2006/2007, 2007/2008, 2008/2009
• 42 enkeltsigrar i Continental Cup Ladies (pr. desember 2009)
• Noregsmeister åtte gonger

Bakgrunnsstoff

• Tett på nett: Anette Sagen Arkivert 2007-10-18 ved Wayback Machine. (VG, 2004)
• Tett på nett: Torbjørn Yggeseth Arkivert 2007-10-18 ved Wayback Machine. (VG, 2004)
• - La Anette hoppe i Kollen (Dagbladet, 2004)
• Gir seg ikke (Dagbladet, 2004)
• Får likevel hoppe i Vikersund (Dagbladet, 2004)
• Står fjellstøtt på sitt nei (Dagbladet, 2004)
  Denne idrettsartikkelen er ei spire. Du kan hjelpe Nynorsk Wikipedia gjennom å utvide han.