Hopp til innhald

Anna Cramling

Frå Wikipedia – det frie oppslagsverket
Anna Cramling

StatsborgarskapSverige, Spania
Fødd30. april 2002 (24 år)
Språksvensk, spansk, engelsk
FarJuan Manuel Bellón López
MorPia Cramling
Anna Cramling på Commons

Anna Yolanda Cramling Bellón (fødd 30. april 2002) er ein spansk-svensk sjakkspelar, Twitch-strøymar og YouTuber som har FIDE-tittelen kvinneleg FIDE-meister. Ho hadde ei topp rating på 2175 i mars 2018. Cramling har representert Sverige i sjakk-OL 2016 og 2022 i tillegg til to europeiske lagsjakkmeisterskapar.[1][2]

Cramling vaks opp i ein sjakkspelande familie. Mora henna er den svenske stormeisteren Pia Cramling, og faren hennar er den spanske stormeisteren Juan Manuel Bellón López. Ho byrja å spele sjakk i ein alder av tre i Spania. Etter at ho flytta med familien til Sverige som elleveåring, bytta forbund frå Spania til Sverige.[3][4] Ho har delteke i fleire EM for ungdom, verdsmeisterskap for ungdom og verdsmeisterskap i juniorsjakk i forskjellige aldersdivisjonar frå 2015 til 2019. Når ho har representert Sverige i internasjonale lagkonkurransar, har ho spelt på same lag som mora, medan faren har fungert som lagkaptein.

Cramling fekk tittelen kvinneleg FIDE-mester i 2018 då ho var 15, same år som ho nådde toppratingen sin. I 2018 sigra ho over Renier Castellanos Rodriguez, ein spansk Internasjonal meister med ei rating på 2498.

Cramling byrja å strøyme på Twitch tidleg i 2020, med fokus på sjakkinnhald. Mora og faren hennar er båe sporadiske gjestar på kanalen hennar. Omtrent eit år seinare signerte Cramling med esport-organisasjonen «Panda» som deira fyrste sjakkstrøymar.

Tidleg liv og bakgrunn

[endre | endre wikiteksten]
Foreldra til Anna Cramling, Pia Cramling til venstre og Juan Manuel Bellon Lopez til høgre

Cramling blei fødd 30. april 2002 i Málaga av foreldra Pia Cramling og Juan Manuel Bellón López.[5][6] Mora hennar er frå Sverige og faren er frå Spania. Båe foreldra hennar er sjakkspelarar og stormeistrar. Mora hennar var nr. 1 i verda blant kvinner etter FIDE-rating i 1984 og blei den femte kvinna nokonsinne som oppnådde stormeister-tittelen i 1992.[6][7] Faren hennar er fem gongar spansk meister.[8] Cramling byrja å spele sjakk i ein alder av tre år.[9] Gjennom heile barndommen konkurrerte båe foreldra hennar aktivt i sjakk. Då ho var ung følgde ho vanlegvis foreldra sine til sjakkturneringar fordi hennar einaste faste barnevakt var bestefaren, som ikkje regelmessig var tilgjengeleg for barnevakt fordi han budde i Sverige. Cramling og foreldra budde i Spania til ho var elleve år gammal, då dei flytta til Sverige.[10] Cramling bytta forbund frå Spania til Sverige i 2014 etter å ha spelt i nokre få turneringar medan ho representerte Spania.[11] Faren hennar gjorde seinare det same forbundsskiftet i 2017.[12]

Sjakkarriere

[endre | endre wikiteksten]

2013–2018:

[endre | endre wikiteksten]

Cramling fekk sin fyrste FIDE-rating i februar 2013 i ein alder av 10 år, og starta på 1519 etter å ha spelt i amatør A-konkurransen under Gibraltar Chess Festival.[13][14] Ho vann ein av fire kampar mot rangerte motstandarar, og sigra over Raymond Kearsley, ein engelsk spelar med rating på 1772.[14] Året etter vann ho kvinneprisen i den same amatør A-konkurransen på Gibraltar. Prisen hennar vekte mediemerksemd fordi foreldra hennar jamleg konkurrerte på arrangementet, og ho hadde delteke regelmessig sjølv som spedbarn.[15][16] Denne prestasjonen hjelpte ho også med å nå ein rating på 1600.[13][17]

Cramling hadde ei stor auking i rating tidleg i 2015 i ein alder av 12, då ho fekk over 300 ratingpoeng over fire turneringar på to månader, og nådde ein rating på over 1900.[18] Desse turneringane inkluderte blant anna Rilton under 1800-turneringa i Stockholm, og amatør A- og amatør B-konkurransane på Gibraltar.[19][20] Mot slutten av 2015 deltok Cramling i divisjonen for jenter under 14 i Junior-VM i sjakk i Porto Carras i Hellas. Som 58. seeda av 125 deltakarar enda ho litt betre enn seedinga si på 54. plass med ein score på 6 av 11 poeng.[a][21] Cramling nådde fyrst ein rating på 2000 i juni 2016 i ein alder av 14 etter å ha konkurrert i Hasselbacken Chess Open i Stockholm. Hennar beste siger i den turneringa var mot landsmannen Michael Backman, som hadde ein rating på 2161.[13][22]

I september 2016 representerte 14 år gamle Cramling Sverige under sjakk-OL 2016 i Baku i Aserbajdsjan, og slo dimed den svenske rekorden for yngste kvinnelege deltakar i Olympiaden, som tidlegare blei halden av mora hennar og Siv Bengtsson.[23] Mora hennar, Pia, deltok også på arrangementet, og dei hadde faren til Anna som lagkaptein. Cramling konkurrerte i 7 av dei 11 rundene og bidrog til at Sverige blei nummer 23 av de 134 deltakande laga.[24][25] Tidlig i 2017 spilte Cramling Masters-konkurransen i Gibraltar, der ho spelte remis mot faren.[26] Mot slutten av året spelte ho både i EM i sjakk for ungdom i divisjonen jenter under 16 og i Junior-VM i sjakk for jenter under 20. Ho presterte bra i båe meisterskapane, og fekk høvesvis 17 og 31 ratingpoeng i kvar turnering.[27][28] Ho enda på 35. plass av 75 deltakarar i fyrstnemnde, og 61. av 89 deltakarar på sistnemnde, lik hennar respektive seedinger på 31. og 66. plass.[29][30]

2018–2020: Kvinneleg FIDE-mester

[endre | endre wikiteksten]

Cramling fekk tittelen Kvinneleg FIDE-meister i 2018.[31] Ho fekk omtrent ytterlegare 200 ratingpoeng tidleg i 2018, og nådde den beste ratinga i karrieren på 2175 i kraft av gode prestasjonar i fire turneringar.[32] Ho hadde ein jamn poengsum i Challenger B-konkurransen i Gibraltar mot motstandarar med ein gjennomsnittleg rating på 2151 og følgde opp det resultatet med ein perfekt poengsum på 4/4 under Elite Hotels Open i Sverige, der ho sigra over to spelarar med ei rating på rundt 2200.[33][34] Under Open Internacional Villa de Benasque i Spania i juli 2018 sigra Cramling igjen over Renier Castellanos Rodriguez, då med ei rating på 2498.[35][36] Mot slutten av året deltok ho både i divisjonen jenter under 20 i junior-VM og jenter under 16 i ungdoms-VM. Ho enda igjen på same måte som hennar seeding på 57. plass i førstnemnde, og kom på 54. plass av 98 deltakarar.[37] I motsetnad til dette underpresterte ho i ungdomsmeisterskapen og enda på 59. plass av 90 deltakarar samanlikna med seedinga på 30. plass, noko som førte til at ratinga hennar gjekk ned til under 2000.[38]

Etter nedgangen i rating mot slutten av 2018, var Cramling i stand til å attvinne dei fleste av dei tapte ratingpoenga i 2019, og nådde ei årshøg rating på 2164 i oktober.[39] Årets beste turnering var ungdoms-EM.[13] Som 33. seeda i jentedivisjonen under 18, enda Cramling på 13. plass med ein score på 5½/9, og fekk 103 ratingpoeng.[40] Hennar beste siger i turneringa var mot Govhar Beydullayeva, ein aserbajdsjansk dåverande kvinneleg FIDE-mester med rating på 2307.[41]

2020–

[endre | endre wikiteksten]

Sidan 2020 har Cramling spelt i få konkurransar. Dette var dels på grunn av at ho blei ein streamer og dels på grunn av koronapandemien, som avgrensa talet på fysiske turneringar.[42][43] I september 2022 representerte ho Sverige (saman med mora Pia) under sjakk-OL 2022 i Chennai i India, og spelte på bord 3 og konkurrerte i 10 av dei 11 rundane. Ho vann tre parti og spelte til remis i fire.[44]

Spelestil

[endre | endre wikiteksten]

Cramling har ein sterk preferanse for å spele 1.d4 (Dronningbondespel) med kvit.[45] Cramling meiner ho kombinerer opningsstilen til mora, kombinert med den aggressive stilen til faren, og seier: «Eg trur eg spelar veldig aggressivt, spesielt når eg spelar online. Det er berre morosamare! Eg vil seie at eg fekk det frå faren min, sidan han definitivt er det; ein veldig aggressiv og taktisk sjakkspelar. Sånn sett spelar eg mykje som han, og når det gjeld opningar, spelar eg mykje som liknar på opningane til mor mi, fordi ho pleidde å lære meg mange av dei. Så eg antek at eg vil seie at eg spelar opningane til mor mi med stilen til far min!»[46]

I 2023 var Cramling banebrytande for ei ny sjakkopning, som ho kalla «The Cow», ein variant av Flodhestforsvaret sjølv om ho kan spelast med anten svart eller kvit.[47] I mars 2024 la chess.comdenne opninga til si liste over anerkjende opningar.[48]

Strøymekarriere

[endre | endre wikiteksten]

I 2020 lanserte Cramling sin eigen Twitch-kanal etter å ha kommentert verdsmeisterskapen i sjakk for kvinner i 2020 mellom Ju Wenjun og Aleksandra Gorjatsjkina med mora Pia tidlegare på året. Nokre gongar blir mora med ho på Twitch for å spele spel eller gje råd. Ved sjeldnare høve gjer faren hennar det også.[49][50][51] Etter omtrent eit år med strøyming på Twitch, signerte ho med esport-laget «Panda» og blei deira fyrste sjakkstrøymar så vel som den fyrste svenske sjakkspelaren som signerte med ein slik esportsorganisasjon.[52]

Merknadar

[endre | endre wikiteksten]
  1. ↑ 6 poeng i 11 parti. (Siger er 1 poeng, remis er ½ poeng, tap er 0 poeng.)

Kjelder

[endre | endre wikiteksten]
  1. ↑ «Chess-ResultsServer Chess-results.com – 42nd Chess Olympiad 2016 Women». Henta 9. november 2022.
  2. ↑ «Chess-ResultsServer Chess-results.com – 44th Chess Olympiad 2022 Women». Henta 9. november 2022.
  3. ↑ Historia de Anna Cramling
  4. ↑ Flores, Tatiana. «Astrong duo: An interview with Pia and Anna Cramling». Henta 9. november 2022.
  5. ↑ «AnnaCramling Birthplace». AnnaCramling. Arkivert frå originalen 9. juni 2021. Henta 8. mars 2022.
  6. 1 2 «Anna Cramling Bellon». Chess.com. Arkivert frå originalen 6. mai 2022. Henta 8. mars 2022.
  7. ↑ «PiaCramling». Arkivert frå originalen 8. mars 2022. Henta 8. mars 2022.
  8. ↑ «AnnaCramling Bellon». Arkivert frå originalen 6. mai 2022. Henta 8. mars 2022.
  9. ↑ «FAQ». Arkivert frå originalen 24. september 2020. Henta 8. mai 2021.
  10. ↑ Flores, Tatiana. «Astrong duo: An interview with Pia and Anna Cramling». Arkivert frå originalen 8. mars 2022. Henta 8. mars 2022.
  11. ↑ «Transfersin 2014». Arkivert frå originalen 22. november 2018. Henta 8. mars 2022.
  12. ↑ «Transfersin 2017». Arkivert frå originalen 4. februar 2017. Henta 8. mars 2022.
  13. 1 2 3 4 «AnnaCramling Rating Progress Chart». Arkivert frå originalen 8. mars 2022. Henta 8. mars 2022.
  14. 1 2 «AnnaCramling Standard Ratings February 2013». Arkivert frå originalen 8. mars 2022. Henta 8. mars 2022.
  15. ↑ Saunders, John. «Gibraltar04: Anna's Tournament». Arkivert frå originalen 8. mars 2022. Henta 8. mars 2022.
  16. ↑ «TradewiseGibraltar Chess Festival 2014 – Amateur A». Arkivert frå originalen 8. mars 2022. Henta 8. mars 2022.
  17. ↑ «AnnaCramling Standard Ratings March 2014». Arkivert frå originalen 8. mars 2022. Henta 8. mars 2022.
  18. ↑ «AnnaCramling Rating Progress Chart». Arkivert frå originalen 8. mars 2022. Henta 8. mars 2022.
  19. ↑ «AnnaCramling Standard Ratings February 2015». Arkivert frå originalen 8. mars 2022. Henta 8. mars 2022.
  20. ↑ «AnnaCramling Standard Ratings March 2015». Arkivert frå originalen 8. mars 2022. Henta 8. mars 2022.
  21. ↑ «WorldYouth Ch 2015 – Girls under 14». Arkivert frå originalen 8. mars 2022. Henta 8. mars 2022.
  22. ↑ «AnnaCramling Standard Ratings June 2016». Arkivert frå originalen 8. mars 2022. Henta 8. mars 2022.
  23. ↑ «PiaCramling to miss Olympiad 40 years after her first». Henta 5. desember 2023.
  24. ↑ «Chess-ResultsServer Chess-results.com – 42nd Chess Olympiad 2016 Women». Henta 9. november 2022.
  25. ↑ «TheFamily Team of Sweden». Henta 9. november 2022.
  26. ↑ «AnnaCramling Standard Ratings March 2017». Arkivert frå originalen 8. mars 2022. Henta 8. mars 2022.
  27. ↑ «AnnaCramling Standard Ratings October 2017». Arkivert frå originalen 8. mars 2022. Henta 8. mars 2022.
  28. ↑ «AnnaCramling Standard Ratings December 2017». Arkivert frå originalen 8. mars 2022. Henta 8. mars 2022.
  29. ↑ «EuropeanYouth Chess Championship 2017 Girls U16». Arkivert frå originalen 8. mars 2022. Henta 8. mars 2022.
  30. ↑ «WorldGirls under 20 Championship 2017». Arkivert frå originalen 8. mars 2022. Henta 8. mars 2022.
  31. ↑ «AnnaCramling Bellon». Arkivert frå originalen 6. mai 2022. Henta 8. mars 2022.
  32. ↑ «AnnaCramling Rating Progress Chart». Arkivert frå originalen 8. mars 2022. Henta 8. mars 2022.
  33. ↑ «AnnaCramling Standard Ratings February 2018». Arkivert frå originalen 8. mars 2022. Henta 8. mars 2022.
  34. ↑ «AnnaCramling Standard Ratings March 2018». Arkivert frå originalen 8. mars 2022. Henta 8. mars 2022.
  35. ↑ «Anna Cramling Bellon». Chess.com. Arkivert frå originalen 6. mai 2022. Henta 8. mars 2022.
  36. ↑ «AnnaCramling Standard Ratings August 2018». Arkivert frå originalen 8. mars 2022. Henta 8. mars 2022.
  37. ↑ «FIDEWorld Junior and Girls Under 20 Chess Championship 2018 (Girls)». Arkivert frå originalen 8. mars 2022. Henta 8. mars 2022.
  38. ↑ «WorldYouth Chess Championships 2018 Girls under 16». Arkivert frå originalen 8. mars 2022. Henta 8. mars 2022.
  39. ↑ «AnnaCramling Rating Progress Chart». Arkivert frå originalen 8. mars 2022. Henta 8. mars 2022.
  40. ↑ «EuropeanYouth Chess Championships 2019 Girls U18». Arkivert frå originalen 8. mars 2022. Henta 8. mars 2022.
  41. ↑ «AnnaCramling Standard Ratings September 2019». Arkivert frå originalen 8. mars 2022. Henta 8. mars 2022.
  42. ↑ «AnnaCramling Rating Progress Chart». Arkivert frå originalen 8. mars 2022. Henta 8. mars 2022.
  43. ↑ PinheiroDiamant, Jonatan. «Anna, 18, först i Sverige med att skriva kontrakt». Arkivert frå originalen 8. mai 2021. Henta 8. mai 2021.
  44. ↑ «Chess-ResultsServer Chess-results.com – 44th Chess Olympiad 2022 Women». Henta 9. november 2022.
  45. ↑ «AnnaCramling Bellon with the white pieces». Arkivert frå originalen 9. mars 2022. Henta 9. mars 2022.
  46. ↑ Flores, Tatiana. «Astrong duo: An interview with Pia and Anna Cramling». Arkivert frå originalen 8. mars 2022. Henta 8. mars 2022.
  47. ↑ William. «CowOpening in Chess: A Novel Creation by Anna Cramling». Henta 23. mars 2024.
  48. ↑ «TheCow - Chess Openings». Henta 23. mars 2024.
  49. ↑ «AnnaCramling Bellon». Arkivert frå originalen 6. mai 2022. Henta 8. mars 2022.
  50. ↑ Bratell, Johan. «Svenskaschackinfluencern gör succé efter Netflixserien». Arkivert frå originalen 10. mai 2021. Henta 8. mai 2021.
  51. ↑ Falk, Ingemar. «Piaoch Anna Cramling kommenterar dam-VM i schack». Arkivert frå originalen 8. mai 2021. Henta 8. mai 2021.
  52. ↑ PinheiroDiamant, Jonatan. «Anna, 18, först i Sverige med att skriva kontrakt». Arkivert frå originalen 8. mai 2021. Henta 8. mai 2021.
Henta frå «https://nn.wikipedia.org/w/index.php?title=Anna_Cramling&oldid=3647742»