Anna Tystad Aronsen

Frå Wikipedia – det frie oppslagsverket
Hopp til navigering Hopp til søk
Anna Tystad Aronsen
Fødd 20. april 1935 (84 år)
Flag of Norway.svg Noreg
Yrke Animatør
Ektefelle Bjørn Aronsen

Anna Tystad Aronsen (fødd 20. april 1935) er ein norsk animatør som saman med ektemannen Bjørn Aronsen blir rekna som ein av veteranane i norsk animasjonsfilm.

Karrieren til Anna Aronsen starta på 1960-talet i studioet ABC-tegnefilm (seinare TT-film) som vart skipa av mannen hennar. Frå slutten av 1960-talet lagde ho ei rekkje teiknefilmar for barn for NRK. Den første, Tubaen Toby (1963), laga ho medan ho arbeidde for TT-film. Fram til 1978 produserte ho ei rekkje kortfilmar, mellom dei Bukkene Bruse, Tyrihans, Legenden om julerosen og den 45 minutt lange Det hendte i Taremareby etter Ingebrigt Davik sine forteljingar. Sommerfuglen (1984) og Gjertrudsfuglen (1984) har fått brei internasjonal TV-distribusjon. Merksemd vekte òg Trøbbel (1987), som handla om seksuelt misbruk av barn, laga i samarbeid med Else Myklebust og med dottera Nille Tystad.

Anna Aronsen var gift med animatøren Bjørn Aronsen (død 1994). Saman hadde dei mellom anna dottera Nille Tystad.