Anna av Brandenburg
| Anna av Brandenburg | |
.jpg) | |
| Statsborgarskap | Danmark |
| Fødd | 27. august 1487 Berlin |
| Død | |
| Yrke | aristokrat |
| Far | Johan Cicero av Brandenburg |
| Mor | Margarete von Sachsen |
| Ektefelle | Fredrik I av Danmark-Noreg |
| Anna av Brandenburg på Commons | |
Anna av Brandenburg (27. august 1487 i Berlin–3. mai 1514 i Kiel) var fyrste kona til Fredrik av Schleswig-Holstein-Gottorp, den seinare dansk-norske kongen Fredrik I.[1] Ho var dotter av kurfyrst Johan I av Brandenburg og Margrethe av Sachsen.
Ekteskapet vart inngått i Stendal 10. april 1502.[2] Dei var i så nær slekt at dei måtte få paveleg dispensasjon for å inngå ekteskap.[1]
Anna og Fredrik fekk to born; Kristian i 1503 og Dorothea i 1504. Kristian vart seinare konge under namnet Kristian III og Dorothea blei gift med Albrecht av Preussen.
Anna vert ofte omtala som dronning av Danmark-Noreg, men Fredrik blei konge i 1523, ni år etter ho døydde. Ho blei gravlagd i klosterkyrkja i Bordesholm ved Husum. Det kjende Bordesholmaltaret av Hans Brüggemann vart tinga av Fredrik I som gravmæle for Anna. Frå 1666 har det vore i Schleswig domkyrkje, kor Fredrik I blei gravlagd i 1533.
Fredrik fekk òg tinga eit mausoleum i Bordesholm klosterkyrkje der skulpturar av han og henne ligg støypt i bronse.
Referansar
[endre | endre wikiteksten]- ↑ 1,0 1,1 Anna af Brandenborg frå Dansk biografisk leksikon
- ↑ Frederik 1 frå Norsk biografisk leksikon
Bakgrunnsstoff
[endre | endre wikiteksten]
Wikimedia Commons har multimedia som gjeld: Anna av Brandenburg