Anne Holt
| Anne Holt | |
 | |
| Statsborgarskap | Noreg |
| Fødd | 16. november 1958 (67 år) Larvik |
| Yrke | krimforfatter, advokat, politikar, journalist, programleiar, romanforfattar |
| Politisk parti | Arbeidarpartiet |
| Sjanger | detektivforteljing |
| Far | Olav Holt |
| Ektefelle | Tine Kjær |
| Prisar | Bokhandlarprisen, Cappelenprisen, Rivertonprisen, Radio Bremen Crime Fiction Award, Rivertonprisen |
| Anne Holt på Commons | |
Anne Holt (fødd 16. november 1958) er ein norsk forfattar og advokat fødd i Larvik. Ho var justisminister i Thorbjørn Jagland si første regjering frå 25. november 1996 til 4. februar 1997, då ho måtte gå av pga. sjukdom. Anne Holt er utdanna cand.jur. ved Universitetet i Bergen i 1986. Ho var tilsett som programsekretær i NRK 1984–1988 og 1990–1991. I perioden 1988–1990 var ho politifullmektig ved Oslo politikammer. Holt debuterte som forfattar i 1993. Ho var president i Rivertonklubben 2001–2003. To av bøkene hennar er filmatiserte, Blind gudinne og Salige er de som tørster, begge i 1997. Regissør for begge filmane var Karl Jørgen Kiønig. Boka Død joker er dramatisert for radio.
Anne Holt er særleg kjend for dei realistiske politiromanane sine om den lesbiske politibetjenten Hanne Wilhelmsen. Ho vert rekna som ein av dei viktigaste forfattarane av feministisk kriminallitteratur i Noreg.
Utgjevingar
[endre | endre wikiteksten]- Blind Gudinne – Kriminalroman (1993)
- Salige er de som tørster – Kriminalroman (1994)
- Demonens død – Kriminalroman(1995)
- Mea culpa – Roman (1997)
- Løvens gap – Kriminalroman (1997) (Saman med Berit Reiss-Andersen)
- I hjertet av VM – Fotballbok (1998)
- Død joker – Kriminalroman (1999)
- Bernhard Pinkertons store oppdrag – Barnebok (1999) (Saman med illustratøren Pjotr Sapegin)
- Uten ekko – Kriminalroman (2000) (Saman med Berit Reiss-Andersen)
- Det som er mitt – Kriminalroman (2001)
- Sannheten bortenfor – Kriminalroman (2003)
- Det som aldri skjer – Kriminalroman (2004)
- Presidentens valg – Spenningsroman (2006)
- 1222 – Kriminalroman (2007)
- Pengemannen – kriminalroman (2009)
- Mai-Britt, Mars-Britt og campingvogna – barnebok (2010). Illustrert av Anne G. Holt.
- Flimmer – kriminalroman (2010) saman med broren, Even Holt
- Mai-Britt, Mars-Britt og mopsen Muntermor – barnebok (2011). Illustrert av Anne G. Holt.
- Skyggedød – kriminalroman (2012)
- Sudden death – kriminalroman (2014) saman med Even Holt
- Offline – kriminalroman (2015)
- I støv og aske – kriminalroman (2016)
- Furet/værbitt – kriminalroman (2019)
- Mandela-effekten – kriminalroman (2020)
- Det ellevte manus – kriminalroman (2021)
Prisar
[endre | endre wikiteksten]- Rivertonprisen 1994, for Salige er de som tørster
- Bokhandlerprisen 1995, for Demonens død
- Cappelenprisen 2001