Anne Husebekk
| Anne Husebekk | |||
| Fødd | 15. desember 1955 Oslo | ||
|---|---|---|---|
| Død | 5. desember 2025 Tromsø kommune | ||
| Nasjonalitet | Noreg | ||
| Område | immunologi, transfusjonsmedisin | ||
| Yrke | immunolog | ||
| Institusjonar | Universitetet i Tromsø – Noregs arktiske universitet Universitetssjukehuset Nord-Noreg | ||
| Alma mater | Det helsevitskaplege fakultetet ved Universitetet i Tromsø | ||
| Medlem | Det Norske Videnskaps-Akademi | ||
Anne Husebekk (15. desember 1955–5. desember 2025)[1] var ein norsk lege og professor i immunologi ved UiT – Noregs arktiske universitet (UiT), der ho var rektor i perioden 2013–2021. Ho var medlem av DNVA, visepresident i International Science Council og nest-leiar i styret for University of the Arctic (Uarctic).
Utdanning og forsking
[endre | endre wikiteksten]Anne Husebekk vart uteksaminert lege frå Universitetet i Tromsø i 1982, og tok medisinsk doktorgrad i 1989.[2] Ho vart spesialist på immunologi og transfusjonsmedisin i 1991. I 2002 fekk ho stilling som professor i immunologi ved same institusjon. Husebekk forska særleg på transfusjonsmedisin og alloimmun trombocytopeni (blodplatemangel) hjå foster og nyfødde.[3]
Karriere
[endre | endre wikiteksten]Anne Husebekk var tilsett ved Institutt for medisinsk biologi ved Universitetet i Tromsø. Frå 2006 til 2011 var ho fag- og forskningssjef ved Universitetssjukehuset Nord-Noreg.
I 2013 vart ho vald til rektor ved Universitetet i Tromsø saman med prorektorane Kenneth Ruud (forskning/utvikling) og Wenche Jakobsen (utdanning).[4] Husebekk vart attvald for ein andre 4-årsperiode som rektor ved UiT - Noregs arktiske universitet i 2017.[5] Ho var òg styreleiar ved UiT i rektorperioden.
Som rektor ved UiT fekk ho styrka universitetet sin arktiske profil. Som ein del av dette skifta universitetet namn til UiT – Noregs arktiske universitet i 2013. Ho var aktiv på etablere internasjonalt samarbeid med institusjonar utanfor Europa, spesielt i Asia og var ein pioner i samarbeidet med Singapore. Under hennar leiing vart fleire høgskolar fusjonert inn i universitetet og UiT fekk med det eit større ansvar for heile landsdelen. I denne perioden ekspanderte universitetet gjennom ny bygningsmasse, større studenttal og nye studieprogram.
I 2015 vart ho leiar for Framsenteret.[6] I perioden 2023-2025 fungerte ho som leiar av Senter for hav og Arktis ved UiT - Noregs arktiske universitet.[7]
Nasjonale og internasjonale verv
[endre | endre wikiteksten]I tillegg til å vere aktiv i norsk utdannings- og universitetspolitikk hadde Anne Husebekk viktige nasjonale og internasjonale verv. Ho var visepresident i den internasjonale foreininga for transfusjonsmedisin (ISBT), hadde fleire verv i Noregs forskingsråd og tatt del i offentlege utreiingar for Biobanklova og Helseforskingslova. Ho var nestleiar i styret for Forsvarets høgskole, styremedlem i styret for Forsvarets forskningsinstitutt. Som representant for DNVA var ho nestleiar i styret for Senter for Grunnforskning (CAS).[8] Husebekk var styremedlem i helseforetaket Helse Nord og styreleiar i Tromsø Forskningsstiftelse. Husebekk var nestleiar i styret i University of the Arctic (Uarctic) og visepresident i International Science Council (ISC), der ho var leiar av «Committee of Freedom and Responsibility in Science».[9]
Kjelder
[endre | endre wikiteksten]- ↑ Dag Rune Olsen. «En drivkraft i nord har forlatt oss» (på bokmål). UiT Norges arktiske universitet. Henta 2025-12-06.
- ↑ Anne Husebekk Pathogenetic relationship between precursor SAA and fibril protein AA in secondary amyloidosis doktorgrad Universitetet i Tromsø, 1989
- ↑ UNN Bioteknologi og forskning i helseforetakene
- ↑ Uniforum Universitetet i Tromsø har fått sin andre kvinnelige rektor 27.02. 2013
- ↑ «Nå har Universitetet i Tromsø valgt rektor. Valgdeltakelsen var på 6,5 prosent». www.forskerforum.no (på bokmål). Henta 2020-04-17.
- ↑ «Anne Husebekk valgt til ny senterleder», Framsenteret (på bokmål), 2015-03-10, henta 2024-09-23
- ↑ «Anne Husebekk er ny leder for Senter for hav og Arktis | UiT», uit.no (på bokmål), henta 2024-08-29
- ↑ «Board of Directors | CAS», cas-nor.no, henta 2024-09-23
- ↑ «Governing Board», International Science Council (på amerikansk engelsk), henta 2023-06-08
- «Husebekk, Anne» Arkivert 2018-04-18 ved Wayback Machine.. Ansatte ved Universitetsledelsen, uit.no. Vitja 21. november 2015.
Bakgrunnsstoff
[endre | endre wikiteksten]- (no) Publikasjonar av Anne Husebekk i forskningsdokumentasjonssystemet Nasjonalt vitenarkiv (NVA)