Anne Marit Godal

Frå Wikipedia – det frie oppslagsverket
Hopp til navigering Hopp til søk
Anne Marit Godal
Anne Marit Godal 2010.jpg
Fødd20. november 1972
NasjonalitetNoreg
Yrkestatsvitar, encyclopedist
Alma materUniversitetet i Oslo

Anne Marit Godal (fødd 20. november 1972) er ein norsk statsvitar, utdanna ved Universitetet i Oslo.

I 2003 vart Godal dagleg leiar i litteraturorganisasjonen Leser søker bok. Frå januar 2011 til november 2016 var ho tilsett som dagleg leiar for prosjektet Norsk nettleksikon, seinare Foreininga Store norske leksikon, og som sjefredaktør for nettleksikonet Store norske leksikon, inkludert Norsk biografisk leksikon og Store medisinske leksikon. Då ho tok jobben sto leksikona i fare for nedlegging, men i hennar tid som sjefredaktør sikra ho den vidare finansieringa gjennom støtte frå statsbudsjettet og frå universiteta.[1] Frå 2017 er Godal oppdragsutviklar ved vitensenteret Inspiria i Østfold. I 2018 var ho redaktør for diktantologien Alt skal bli forandra snart. 100 norske dikt om fellesskap og kamp, i lag med Leif Høghaug.[2]

Godal har hatt ei rekkje verv i frivillige organisasjonar, som AUF, Framfylkingen, Arbeidarpartiet, Nei til EU, Norsk målungdom og Noregs mållag.

Ho er dotter til Sissel Rønbeck og Bjørn Tore Godal

Kjelder[endre | endre wikiteksten]

  1. «Har vært i dragkamp siden 2010 - nå er det klart at det overlever». Dagbladet.no (på norsk). 18. januar 2015. 
  2. «Politisk poesi har fått et oppsving etter 22. juli» (på norsk).