Anne Nymark Andersen

Frå Wikipedia – det frie oppslagsverket
Hopp til navigering Hopp til søk
Anne Nymark Andersen
Statsborgarskap Noreg
Fødd 28. september 1972
Bergen
Idrett fotball
Yrke fotballspelar

Anne Nymark Andersen (fødd 28. september 1972) er ein norsk, tidlegare fotballspelar. Ho vart europameister med Noreg i 1993 og verdsmeister i 1995. Dessutan vart ho cupmeister med IL Sandviken i 1995. Anne Nymark Andersen er tvillingsøster til Nina Nymark Andersen, ei tid spela dei to i lag både på Sandviken og på landslaget.

Aktiv[endre | endre wikiteksten]

Klubbspel[endre | endre wikiteksten]

Andersen spela sin første kamp i den norske toppserien med Bergens-laget Sandviken i 1991, og skåra sitt første mål heime mot Klepp Idrettslag på straffe. Ho var med på oppturen med Sandviken då klubben i 1995 kom på tredjeplass i serien og vann cupmeisterskapen, året etter vart det sølvmedaljar i seriespelet. Ho skåra i samtlege sesongar for klubben, med unnatak for den siste, 1998-sesongen.

Sesongane 1999-2000 spela ho for Arna-klubben Bjørnar, klubben ho hadde spela for som junior. Bjørnar spela frå 1997-sesongen i den norske toppserien, og var med i medaljekampen i 2000, men enda på fjerdeplassen i serien. Andersen la deretter fotbalsskoa på hylla.

Landslagsspel[endre | endre wikiteksten]

Andersen debuterte på landslaget 17 år gammal, som innbytar, den 13. juni 1990 i ein EM-kvalifiseringskamp mot Finland. Sidan spela ho ikkje på landslaget att før enn i 1992. Under EM 1993 vart Andersen matchvinnar då ho skåra det einaste målet i semifinalen mot Danmark, og var på bana då Noreg slo Italia og vart europameister. Midtbanespelaren Andersen vart etter kvart fast på landslaget, og spela alle kampane då Noreg vart verdsmeister i 1995. Ho vann også bronse med landslaget under sommar-OL 1996. I 1999 spela ho sin 65. og siste landskamp, ni goongar fekk ho nettkjeninng som landslagsspelar.

Merittar[endre | endre wikiteksten]

  • EM-gull 1993 for Noreg
  • VM-gull 1995 for Noreg
  • OL-bronse 1996 for Noreg
  • Cupgull 1995 med IL Sandviken
  • Seriesølv 1996 med IL Sandviken
  • Seriebronse 1995 med IL Sandviken

Kjelder[endre | endre wikiteksten]

  • Sportsboken, aktuelle årgangar