Annette Abigael Hamilton

Frå Wikipedia – det frie oppslagsverket
Hopp til navigering Hopp til søk
Annette Abigael Hamilton
Fødd 1806
Død

1879 (73 år)

Yrke barnebokforfattar, skribent, eventyrsamlar

Annette Abigael Hamilton (18061879), fødd Palm, var ein norsk eventyrsamlar og forfattar.[1]

Annette Abigael Palm var fødd i Fredrikshald (Halden) som dotter av skippar Hans Christian Palm og Anne Samuelsen.[1] Ho blei gift med skipskaptein Wilhelm Hamilton, som også dreiv forlag.[1]

Hamilton var ein aktiv deltakar i det dramatiske selskapet i Fredrikshald, der ho opptredde som skodespelar.[1] Under den aktive perioden til det dramatiske selskapet, i 1847, gav ho ut si første bok, ei eventyrsamling.[2]

Eventyrsamlinga heitte Abigaels Eventyr og Sagn. Gave for Børn og kom ut under pseudonymet Abigael.[3][4][5] Ho er ei av dei eldste eventyrsamlingane i Noreg.[1] Boka kom ut på forlaget til ektemannen[1][2] og blei seld i kommisjon av J.W. Cappelen.[6]

Som eventyrforfattar må Hamilton reknast blant pionerane innan denne litterære sjangeren.[2] Samlinga byggjer på utanlandske førebilde.[2] Ho inneheld dels tradisjonsstoff og dels dikting.

Fleire av eventyra er norske folkeeventyr. Eventyr på side 34 er klassifisert som AA-TH-typane 1525R-1653B.[7] Eventyr på side 24-29 er klassifisert som AA-TH type 513, på engelsk kalla The Land and Water Ship.[7] Forteljingane er sterkt bearbeidde og nokre er heilt fri dikting. Nummer 1, 3, 4, 5 og 6 er eventyr, nr 7 er lause motiv frå soger og eventyr og nr 8-12 skal vera fri dikting.[8][9]

Verkliste[endre | endre wikiteksten]

  • Abigaels Eventyr og Sagn. Gave for Børn. Frederikshald, Hamilton, 1847.[5]

Kjelder[endre | endre wikiteksten]

  1. 1,0 1,1 1,2 1,3 1,4 1,5 Norsk kvinnelitteraturhistorie. Oslo: Pax. 1990. s. 259-260. ISBN 8253014988. 
  2. 2,0 2,1 2,2 2,3 Norsk kvinnelitteraturhistorie. Oslo: Pax. 1988. s. 46 og 101. ISBN 8253014309. 
  3. Halvorsen, J.B. (1845-1900) (1885). Norsk Forfatter-Lexikon 1814-1880: paa Grundlag af J.E. Krafts og Chr. Langes "Norsk Forfatter-Lexikon 1814-1856". Kristiania: Den Norske Forlagsforening. s. 41. 
  4. Pettersen, Hjalmar (1856-1928) (1924). Norsk anonym- og pseudonymlexikon =: Dictionary of anonyms and pseudonyms in Norwegian literature. Kristiania: Steenske. s. 6. 
  5. 5,0 5,1 «Abigaels Eventyr og Sagn : Gave for Börn». Bibsys. 
  6. Boyesen, Einar (1888-1972) (1953). J.W. Cappelen 1805-1878: noen blad av norsk bokhandels og norsk kulturkamps historie. Oslo: Cappelen. s. 521. 
  7. 7,0 7,1 Roberts, Warren E. (1964). Norwegian folktale studies: some aspects of distribution. Oslo: Universitetsforlaget. s. 34 og 81. 
  8. Christiansen, Reidar Th. (1886-1971) (1921). Norske eventyr: en systematisk fortegnelse efter trykte og utrykte kilder. Kristiania: Jacob Dybwad. s. 3. 
  9. Christiansen, Reidar Th. (1886-1971) (1921). Norske folkeminne: utgjevne av Den Norske Historiske Kildeskriftkommission. : II. Norske Eventyr. : En systematisk fortegnelse efter trykte og utrykte kilder. Kristiania: I hovedkommission hos Jacob Dybwad. s. 3.