Anton L. Alvestad

Frå Wikipedia – det frie oppslagsverket
(Omdirigert frå Anton Alvestad)
Anton L. Alvestad
Fødd7. mai 1883
Sula
Død2. juli 1956 (73 år)
Statsborgar avNoreg
PartiArbeidarpartiet
Yrkepolitikar, bakar
Alle verv

Anton Ludvig Alvestad (fødd 7. mai 1883 i Sula, død 2. juli 1956), var ein norsk politikar, statsråd og stortingsmann. Alvestad var faglært bakar og hadde eiga bakarforretning i Ålesund. Han var vidare aktiv fråhaldsmann og medlem i IOGT.

Anton L. Alvestad kom tidleg med i arbeidarrørsla. I 1904 deltok han ved stiftinga av Ålesund Arbeiderparti. Han vart ordførar i Ålesund i åra 1920-1921, den første Arbeidarparti-ordføraren i byen. I 1921 blei han vald inn på Stortinget som representant for Mørebyane (Ålesund, Molde, Kristiansund). Dette blei starten på ein lang karriere som stortingsmann. Han var stortingsmann fram til 1936. I 1950 var han vald på nytt og var representant fram til han døydde i 1956. Frå 1954 representerte han Møre og Romsdal fylke. Alvestad var medlem av Regjeringa Hornsrud i januar–februar 1928, då som statsråd i Handelsdepartementet.

Kjelder[endre | endre wikiteksten]