Antonio Canova
| Antonio Canova | |
 | |
| Statsborgarskap | Republikken Venezia |
| Fødd | 1. november 1757 Possagno |
| Død |
13. oktober 1822 (64 år) |
| Yrke | bilethoggar, arkitekt, kunstmålar, teiknar, gravør |
| Sjanger | figurativ kunst, akt, bilethoggarkunst, allegori, figure, mytologisk maleri, portrett, religiøs kunst, dyrekunst |
| Medlem av | Koninklijke Nederlandse Akademie van Wetenschappen, Accademia di San Luca, Académie des beaux-arts |
| Antonio Canova på Commons | |
Antonio Canova (1. november 1757–13. oktober 1822) var ein italiensk bilethoggar og ein av hovudrepresentantane for den italienske nyklassisismen.
Liv og virke
[endre | endre wikiteksten]Bakgrunn
[endre | endre wikiteksten]Antonio Canova var fødd i Possagno ved Bassano som son av ein steinhoggar. Faren døydde då Antonio var tre år gammal, og han voks opp hjå ein onkel. Då han var 14 år gammal byrja Canova i lære hos den venetianske bilethoggaren Giuseppe Bernardi, som kalla seg Torretti, etter sin eigen læremeister.[1] Etter at meisteren døydde i 1773 arbeidde Canova vidare for nevøen til Bernardi, bilethoggaren Giovanni Ferrari, som også hadde vore lærling hos Torretti.[2][3]
Karriere
[endre | endre wikiteksten]I 1775 starta Canova for seg sjølv i Venezia. Figurane han formgav i denne tida hadde mange likskapstrekk med figurane i Tiepolo sine freskar.
I 1779 vitja kunstnaren Roma, og året etter flytta han dit for godt. Han fekk kontakt med ein internasjonal, og fyrst og fremst britisk, gruppe kunstnarar, arkeologar og teoretikarar, og byrja å utvikla ein ny, streng og kompromisslaus idealistisk skulpturstil. I 1787 fullførte han monumentet over pave Klemens XIV i kyrkja Santi Apostoli i Roma. Dette førte til at han fekk internasjonal merksemd og dessutan talrike bestillingar, mellom anna monumentet over pave Klemens XIII (1792) i Peterskyrkja.
Som overoppsynmann over kunstskattane til Kyrkjestaten frå 1802 var han i 1815 ansvarleg for tilbakeføringa av kunstverk stolne av Napoleon.
Galleri
[endre | endre wikiteksten]-
Antonio Canova, sjølvportrett -
Theseus vinn over kentauren, opphavleg bestilt av Napoleon Bonaparte, som ville at skulpturen skulle pryde Il Corso i Milano. Sidan 1891 har han vore stilt ut i Kunsthistorisches Museum i Wien. -
Paolina Borghese som Venus (1804-1808). Galleria Borghese i Roma. -
Dei tre gratiene er blant dei mest kjende skulpturane til Canova. Skulpturgruppa er no i Eremitasjen i St. Petersburg
Kjelder
[endre | endre wikiteksten]- ↑ Mothes, Oscar (1860): Geschichte der Baukunst und Bildhauerei Venedigs: Kunst der neuern Zeit, bind 2, Friedrich Vogt, Leipzig
- ↑ Mothes, Oscar (1860): Geschichte der Baukunst und Bildhauerei Venedigs: Kunst der neuern Zeit, bind 2. Friedrich Vogt, Leipzig, s. 332, 305
- ↑ Meyers Großes Konversations-Lexikon, bind 3, Leipzig 1905, Stichwort Canova
- Denne artikkelen bygger på «Antonio Canova» frå Wikipedia på bokmål, den 3. mai 2025.
