Fuglen munk

Frå Wikipedia – det frie oppslagsverket
(Omdirigert frå Arten munk)
Munk
Munkhann
Munkhann
Munkhoe
Munkhoe
Utbreiing og status
Status i verda: LC LivskraftigUtbreiinga av munk
Utbreiinga av munk
Systematikk
Underrekkje: Virveldyr Vertebrata
Klasse: Fuglar Aves
Orden: Sporvefuglar Passeriformes
Parvorden: Passerida
Overfamilie: Sylvioidea
Familie: Songarfamilien Sylviidae
Slekt: Sylvia
Art: Munk S. atricapilla
Vitskapleg namn
Sylvia atricapilla

Munk (Sylvia atricapilla) er ein medlem i songarfamilien Sylviidae.

Utsjånad[endre | endre wikiteksten]

Munken er ca. 14 cm og veg ca. 19 gram. Både ho og han har kalott. Hos hannen er denne svart og hos hoa raudbrun. Nebbet er svart.

Læte[endre | endre wikiteksten]

Songen liknar på hagesongaren sin.

Utbreiing[endre | endre wikiteksten]

Arten er utbreidd i Europa frå midt i Fennoskandia til Nordvest-Afrika i vest, i aust til Ural, og til Litleasia og Midtausten i søraust. Fem underartar er skildra, og i Nord-Europa lever nominatunderarten atricapilla. Bestandane i nord og aust er trekkfuglar, fuglane i sør er berre delvis trekkfuglar. Fuglane i vest overvintar på den iberiske halvøya og i det sørlege Frankrike, medan dei i aust overvintrar på Kypros og kysten av Litleasia. Det er slik at fuglane som hekkar lengst nord overvintrar lengst sør. I Europa reknar ein bestanden til 25-49 millionar par. I Fennoskandia har bestanden auka, og også lengre sør ser det ut til å ha vore ein auke dei siste tiåra.

Biotop og utbreiing i Noreg[endre | endre wikiteksten]

Munken trivst best i lauvskog eller frodig kratt, sjølv om han også er å finne i blandingsskog. Arten er mest talrik i Sør-Noreg til og med Trøndelag, men kan også finnast på gode lokalitetar i Nord-Noreg.

Næring[endre | endre wikiteksten]

Føda er insekt og andre smådyr. I trekktida òg bær.

Hekking[endre | endre wikiteksten]

Munkeegg

Hoa legg 5 egg i siste del av mai eller juni. Begge kjønn rugar i 14 dagar. Ungane blir i reiret 11 dagar.

Trekkvanar[endre | endre wikiteksten]

Hausttrekket startar i august, og norske fuglar finn vegen til begge overvintringsområda, både det i søraust og det i sørvest. Nokre fuglar overvintrar i Noreg. Ein del av desse er ungfuglar frå den kontinentale bestanden, som i større grad ikkje trekker, men spreier seg i fleire retningar. Dei første fuglane flyg frå vinterkvartera i februar/mars, og kjem til Noreg i mai, lengst sør i landet kanskje allereie i april.

Bakgrunnsstoff[endre | endre wikiteksten]

Kjelder[endre | endre wikiteksten]