Artisten Aiko
| Artisten Aiko | |||
.jpg) | |||
| Fødd | 26. desember 1999 (26 år) | ||
|---|---|---|---|
| Fødestad | Moskva | ||
| Fødenamn | Alena Shirmanova-Kostebelova russisk Алёна Ширманова-Костебелова | ||
| Opphav | Tsjekkia | ||
| Aktiv | 2015– | ||
| Verka som | songar | ||
Alena Shirmanova-Kostebelova[a] (fødd 26. desember 1999), kjend under artistnavnet Aiko, er ein russisk-tsjekkisk songar og låtskrivar som for tida er basert i Brighton i England. Ho representerte Tsjekkia i Eurovision Song Contest 2024 med songen «Pedestal».
Bakgrunn
[endre | endre wikiteksten]Alena Shirmanova-Kostebelova blei fødd den 26. desember 1999 i Moskva i Russland. Kort tid etter flytta ho og familien til Karlovy Vary i Tsjekkia, der ho vaks opp.[1][2]
I 2015 deltok Shirmanova-Kostebelova i den fjerde sesongen av reality-talentprogrammet Česko Slovenská SuperStar.[3] Ho flytta deretter til Storbritannia for å satse på den musikalske karrieren sin. Ho busette seg fyrst i London og sidan i Brighton. Under kunstnarnamnet Aiko gav ho ut debutalbumet Aiko i 2018, etterfølgd av Expiration Date i 2020, då ho gav ut debutsingelen «Hunt».[2][4][5]
Shirmanova-Kostebelova er den fyrste tsjekkiske artisten som har dukka opp på Times Square-skjermene, og den fyrste tsjekkiske kvinna til å delta i Spotify Equal-kampanjen. Ho har sidan opptredd på Rock for People, ESNS, Metronome Prague, The Great Escape, Grape, Nouvelle Prague og festivalane Sziget og Waves Vienna. Ho har også vore støttemusikar på turnear til artistar som Alice Merton, Black Honey, Lauren Ruth Ward og Tamino. Nokre av songane hennar har blitt brukte i TV-seriar som Teen Mom og Love Island.[2][6]
Hausten 2023 gav Aiko ut sitt tredje album, Fortune's Child. I november same år kunngjorde den tsjekkiske kringkastaren Česká televize at ho var blant deltakarane i ESCZ 2024, den tsjekkiske nasjonale finalen for Eurovision Song Contest 2024.[7] Ho deltok med songen «Pedestal» og 13. desember kunngjorde Česká televize at ho hadde vunne den tsjekkiske finalen.[8] Ho representerte Tsjekkia i Eurovision Song Contest 2024 i Malmö i Sverige, men klarte ikkje å kvalifisere seg til finalen.
Privatliv
[endre | endre wikiteksten]Aiko er i eit forhold med den spanske trommeslagaren Kat Almagro, som deltok i Eurovision Song Contest 2024 for San Marino, som ein del av rockegruppa Megara.[9][10][11]
Merknadar
[endre | endre wikiteksten]Kjelder
[endre | endre wikiteksten]- ↑ «SuperStar 2015 - III. casting - Alena Shirmanová» (på norsk bokmål). Henta 26. desember 2023.
- 1 2 3 «Aiko(CZ)». Nouvelle Prague (på tsjekkisk). 22. oktober 2020. Henta 26. desember 2023.
- ↑ SuperStar 2015 - III. casting - Alena Shirmanová. Henta 13. desember 2023.
- ↑ «AIKO– Album by Aiko». Henta 13. desember 2023.
- ↑ «ExpirationDate – Album by Aiko». Henta 13. desember 2023.
- ↑ «Aiko| music». My Site 1 (på engelsk). Henta 26. desember 2023.
- ↑ «Czechiafinalists revealed ahead of ESCZ 2024». Den europeiske kringkastingsunionen. 28. november 2023. Henta 28. november 2023.
- ↑ «Aikowill represent Czechia at Eurovision 2024». eurovision.tv (på engelsk). 13. desember 2023. Henta 26. desember 2023.
- ↑ Daniel Hidalgo (16. mai 2024). «Flechazoen Eurovisión: la batería de Megara y la representante de Chequia confirman su relación». Los Replicantes (på spansk).
- ↑ Anthony B. (12. januar 2023). «WeAre The Night Part XIII: Aiko». Brno Daily.
- ↑ @katalmagro (12. mai 2024). «Nemowon the mic but... I have to say that I won the best of Eurovision». Twitter.
- Denne artikkelen bygger på «Aiko (artist)» frå Wikipedia på bokmål, den 4. mars 2025.