Artsnamnebasen
Artsnamnebasen er ein database med eit register over godkjende norske artsnamn. Til saman er det omkring 60 000 arter i Noreg.[1] Basen utgjer ein ny, nasjonal standard for namnsetting av organismar. Han vart oppretta 1. september 2009 og vert driven av Artsdatabanken i Trondheim.
I denne søketenesta kan ein hente informasjon om gyldige vitskaplege namn etter gjeldande internasjonale standardar[2][3] og tilrådde populære namn på bokmål og nynorsk.
Søketenesta gjev i dag ikkje eit komplett oversyn over alle vitskaplege og norske namn på arter og organismegrupper. Av hovudgruppene som delvis manglar er til dømes protozoar, fleire sopp-ordenar, svamp, nesledyr, land- og ferskvassnegl og blekksprut.
Artsnamnebasen er bygd opp som eit hierarkisk register der kvar art, familie, orden, klasse og rekkje har ei eintydig definert plassering i systemet. Artsnamnebasen lettar samarbeidet og betrar kommunikasjonen innan det biologifaglige miljøet i Noreg ved at alle aktørar brukar same namn på organismar.
Artsnamnebasen vert drifta av Artsdatabanken i samarbeid med GBIF-Noreg. Artsnamna er samla inn, kvalitetssikra og tilrettelagde av ei rekkje namnekomitéar[4] frå vitskaplege institusjonar i Noreg. Som ein overbygning for komitéane er det etablert eit namneråd[5] for å sikre ein sams praksis i det faglege arbeidet. Namnekomitéane har òg hatt rådgivande støtte i Språkrådet i arbeidet med norske artsnamn.
Bakgrunnsstoff[endre | endre wikiteksten]
- Heimesida til artsnamnebasen
- Sluttdokumenta til namnekomitéane Arkivert 2010-07-11 ved Wayback Machine.
Kjelder[endre | endre wikiteksten]
- ↑ Artsdatabanken: Arter i Noreg, arkivert frå originalen 7. mars 2010, henta 23. januar 2010
- ↑ IAPT: International Code of Botanical Nomenclature
- ↑ ICZN: International Code of Zoological Nomenclature, arkivert frå originalen 24. mai 2009, henta 23. januar 2010
- ↑ Artsdatabanken: Namnekomiteer (PDF)[daud lenkje]
- ↑ Artsdatabanken: Namneråd (PDF)[daud lenkje]