Arve Moen Bergset
| Arve Moen Bergset | |||
.JPG) | |||
| Fødd | 13. mars 1972 (52 år) | ||
|---|---|---|---|
| Fødestad | Sandnessjøen | ||
| Opphav | Noreg | ||
| Instrument | fiolin, fele, vokal | ||
| Verka som | felespelar, klassisk fiolinist, kveder, folkesanger | ||
| Gift med | Gudrun Skretting | ||
| Prisar | Spellemannprisen i folkemusikk/gammeldans | ||
Arve Moen Bergset (fødd 13. mars 1972 i Sandnessjøen) er ein norsk kvedar, fiolinist og hardingfelespelar. Han er kjend som eitt av medlemmene i gruppa Bukkene Bruse og er fyrstefiolinist for Oslo-filharmonien.
Biografi
[endre | endre wikiteksten]Arve Moen Bergset flytte som femåring frå Sandnessjøen til Vinje i Telemark. 8 år gamal tok han til å gå i kvedarlære hjå Sondre Bratland, og lærte av Bratland i åtte år. Dessutan har han fått tradisjonsstoff av Ellen Bojer Nordstoga, Agnes Buen Garnås, Aslak Høgetveit og Talleiv Røysland. I 1986 gav han ut sin fyrste solokassett, Litle fuglen. Under utdelinga av Spellemannprisen 1986 kveda han for fyrste gong på fjernsyn, 15 år gamal. Året etter vann han sjølv Spellemannprisen 1987 i klassa for Folkemusikk med plata Arvesølv.
I 1988 danna han den nyskapande folkemusikkgruppa Bukkene Bruse saman med Annbjørg Lien og fløytisten Steinar Ofsdal. Etter 1997 har keyboardisten Bjørn Ole Rasch også vore med i gruppa. Dei har no halde på i over eit tiår, gjeve ut 5 plater og vunne fleire prisar. Eitt av høgdepunkta frå karrieren deira var då dei vart utvalde til å vera offisielle OL-musikarar til Vinter-OL 1994 på Lillehammer.
Arve Moen Bergset utvikla seg også på strykarinstrument, og vann fleire prisar for unge fiolinistar i byrjinga av 1990-åra. Han tok utdanning ved Norges Musikkhøgskole, og avla embetseksamen i kammermusikk/solo der i 1995. I 1996 gav han ut eit nytt soloalbum, Religiøse folketonar. Dette vart spelt inn i Oslo domkyrkje saman med Geir Inge Lotsberg på fiolin og Kåre Nordstoga på orgel.
Arve Moen Bergset har vore tilsett i Oslo-filharmonien sidan 2003. Han sit også i det kunstnariske rådet for Vinterfestspela i Bergstaden Røros.[1]
Diskografi
[endre | endre wikiteksten]Soloplater
[endre | endre wikiteksten]- Litle fuglen (1986) (kassett)
- Arvesølv (Kirkelig Kulturverksted, 1987)
- Religiøse folketonar (Grappa musikkforlag, 1996)
Som solist
[endre | endre wikiteksten]- Johan Kvandal: Fantasia for hardingfele og orkester (1999 - solist på hardingfele)) med Kristiansand kammerorkester og dirigent Jan Stigmer
- Stephen Frost: Bassoon Concerto; Oboe Concerto; The Lesson (2000 - solist som klassisk songar på the Lesson) med Bornemouth Symphony Orchestra og dirigent Tony Harrison
- Geirr Tveitt: To konsertar for hardingfele og orkester (2002 - solist på hardingfele) med Stavanger Symfoniorkester og dirigent Ole Kristian Ruud
- Johan Halvorsens Fossegrimen, Greetings to Roosevelt (Simax, Classic 2002 - solist på hardingfele) med Latvias nasjonale symfoniorkester
(For diskografi med Bukkene Bruse, sjå Bukkene Bruse.)
Prisar og utmerkingar
[endre | endre wikiteksten]- Spellemannprisen 1987 for Arvesølv i klassen Folkemusikk/ gammaldans
- I 1990 vart han kåra til «Ungdommens strykarmeister»
- I 1991 kom han på andreplass i solisttevlinga til Ungdomssymfonikerne
- I 2006 vann han De unges Lindemanpris.
Kjelder
[endre | endre wikiteksten]- Ad Libitum om Arve Moen Bergset
- Nrk.no: Arve Moen Bergset - Ukas P2-artist
- Bokmålswikipedia om Religiøse folketonar av Bergset, henta inn 8. mai 2012.