Arvidsjaurs kommun

Frå Wikipedia – det frie oppslagsverket
(Omdirigert frå Arvidsjaur kommune)
Hopp til navigering Hopp til søk
Arvidsjaurs kommun
kommune
Arvidsjaur Town Hall.jpeg
Kommunevåpen
Land Flag of Sweden.svg Sverige
Len Norrbottens län
Landskap Lappland
Areal 6 126,32 km²
 - land 5 655,97 km²
 - vatn 470,35 km²
Folketal 6 529[1] (2011)
Arvidsjaur Municipality in Norrbotten County.png
Wikimedia Commons: Arvidsjaur

Arvidsjaur kommune er ein kommune i Norrbottens län i landskapet Lappland i Sverige. Kommunen har grensar mot nabokommunane Arjeplog, Jokkmokk, Älvsbyn, Piteå, Skellefteå, Norsjö, Malå og Sorsele. Administrasjonssenter i kommunen er Arvidsjaur.

Etymologi[endre | endre wikiteksten]

Namnet «Arvidsjaur» har ingenting med mannsnamnet Arvid å gjere, men kjem frå det umesamiske ordet árviesjávrrie, avleidd frå árvies («gåvmild» eller «den som gjev mykje») og jávrrie («sjø»), og syner til fisket i den nærliggande innsjøen med same namn. Aruens jäff var i 1607 namnet på den samebyen der Arvidsjaur kyrkje vart bygd.

Samisk språk[endre | endre wikiteksten]

Samisk har status som offisielt minoritetsspråk i kommunen[2] og Arvidsjaur inngår i forvaltningsområdet for samisk språk i Sverige.

Administrativ historikk[endre | endre wikiteksten]

Sokndanninga i nordlege delar av Sverige var sein; Arvidsjaur sokn vart danna i 1606 ved oppdeling av Piteå sokn. Deretter var det nokre fleire oppdelingar fram til kommunalreformen i 1863, og landskommunen Arvidsjaur vart danna. Kommunen har ikkje blitt slått saman med andre kommunar, men har same grensar som soknet hadde i 1863. Mellom 1895 og 1962 utgjorde Arvidsjaur eit municipalsamhälle.

Geografi[endre | endre wikiteksten]

Inlandsbanan i Arvidsjaur.

Arvidsjaur kommune ligg ved Inlandsbanan midt i landskapet Lappland, ca. 110 km sør for Polarsirkelen.

Tettstader[endre | endre wikiteksten]

Arvidsjaur kommune hadde tre tettstader (tätorter) i 2005. I tabellen er folketalet per 31. desember 2005.

# Tettstad Innbyggjarar
1 Arvidsjaur 4644
2 Glommersträsk 306
3 Moskosel 299

Småstader[endre | endre wikiteksten]

Arvidsjaur hadde fire småstader (tätorter) i 2005. I tabellen er folketalet per 31. desember 2005.

# Småstad Innbyggjarar
1 Abborträsk 143
2 Lauker 77
3 Auktsjaur 63
4 Järvträsk 51

Næringsliv[endre | endre wikiteksten]

Næringslivet i kommunen er dominert av skogsindustrien, turistnæring og av offentleg sektor ved mellom anna Arméns jägerbataljon. Det er 420 føretak som opererer i kommunen.

Dessuten testar ein vinterklimaet til franske, italienske og tyske bilar i kommunen.

Samferdsel[endre | endre wikiteksten]

Tårnet ved Arvidsjaur lufthamn.

Frå Arvidsjaur lufthamn går det daglege fly til Stockholm. Inlandsbanan går òg gjennom Arvidsjaur. E45 går gjennom kommunen.

Kjelder[endre | endre wikiteksten]

  1. Folketalsstatistik kvartal 3 2011. Statistiska centralbyrån (30. september 2011). Besøkt 7. januar 2012.
  2. Det svenske Språkrådets nettsider, om minoritetsspråk

Bakgrunnsstoff[endre | endre wikiteksten]

Panorama over Arvidsjaur.