As-Salt

Frå Wikipedia – det frie oppslagsverket
Gå til: navigering, søk
Koordinatar: 32°02′N 35°44′E
Salt
السلط
by
none
Land Flag of Jordan.svg Jordan
guvernement Balqa guvernement
Høgd 820 moh
Koordinatar 32°02′N 35°44′E
Areal 48 km² [1]
 - storbyområde 79 km²
Folketal 88 900 (2011)
Folketettleik 1 852 / km²
Grunnlagd 300 fvt.
 - kommune 1887
Borgarmeister Khalid Khashman
Retningsnummer +(962)5
Jordan location map.svg
Locator Red.svg
Wikimedia Commons: As-Salt
Nettstad: http://www.salt.gov.jo/ar

Salt (arabisk السلط, Al-Salt) er ein gammal jordbruksby og administrativt senter vest i det sentrale Jordan. Han ligg ved den gamle hovudvegen frå Amman til Jerusalem, Balqa-høglandet, kring 790–1 100 meter over havet, nær Jordandalen. Han er bygd over tre åsar, og på ein av desse, Jebal Al Qal'a, ligg ruinane av ei borg frå 1200-talet. Han er det administrative senteret i Balqa guvernement.

Stor-Salt kommune har kring 97 000 innbyggjarar (2006), der 65 % er muslimar og 35 % kristne.

Historie[endre | endre wikiteksten]

Byen Salt ligg i eit kupert terreng.
Fil:Old houses in Salt, Jordan.jpg
Eit av mange historiske hus i Salt.
Hamam-gata i gamlebyen i Salt.

Det er ikkje kjend når byen først vart busett, men ein trur han vart bygd av den makedonske hæren under regjeringstida til Aleksander den store. Byen vart kalla Saltus i bysantinsk tud og var setet for ein biskop. På den tida vart byen rekna for å vere den viktigaste busetanden på Austbreidda av Jordanelva. Busetnaden vart øydelagd av mongolane og så bygd opp att under regjeringstida til mamelukk-sultanen Baibars (1260–1277) og vart eit regionssenter nok ein gong under Det osmanske riket. Tidleg i 1830-åra var Salt igjen angripen, denne gongen under eit raid av den egyptiske statthaldaren Ibrahim Pasha i felttoget hans mot osmanarane i Palestina.

Glanstida til Salt var seint på 1800-talet då handelsfolk reiste frå Nablus for å utvide handelsnettverket sitt aust for Jordanelva. På grunn av mange nye innbyggjarar vart Salt raskt utvida frå ein enkel bondelandsby til ein by med mange elegante bygningar, mange bygd i Nablusi-stil. Mange av bygningane frå denne tida står framleis i Salt i dag.

Etter fyrste verdskrigen var byen staden der Herbert Samuel, britisk høgkommisær i Palestina, valte å annonsere at britane favoriserte eit hashimittisk-styrt område på Austbreidda av Palestinamandatet (dagens Jordan). Dette vart ein realitet i 1921 då Abdullah I vart emir av Transjordan. Salt verka å bli byen som skulle bli valt til hovudstaden i det nye emiratet, sidan det meste av handelen og industrien strøymde gjennom Salt. Salt hadde i denne tida ingen vidaregåande skular. Likevel valte Abdullah byen som hovudstaden i emiratet sitt, men endra etter kvart meining og flytta til Amman då han følte han ikkje kom overeins med notabiliteten i Salt. Amman var på den tida ein liten by med berre 20 000 innbyggjarar, men opplevde etter kort tid rask vekst.

Kommunedistrikt[endre | endre wikiteksten]

Stor-Salt kommune er delt inn i ni distrikt:

Distrikt Folketal (2006) Areal (Km2)
1 Salt 71 100 48
2 Zai 2580 7.7
3 Umm Jouzeh 3355 4.2
4 Wadi Alhoor 1815 1.73
5 Al-Yazeediyeh 900 1.08
6 Yarqa 5300 4.154
7 Ira 4100 4.4
8 Allan 4640 3.8
9 Rumaimeen 2884 4,3

Kjelder[endre | endre wikiteksten]

  1. Salt Greater kommune