Asbjørn Hansen

Frå Wikipedia – det frie oppslagsverket
Hopp til navigering Hopp til søk
Asbjørn Hansen
Fødd 29. mai 1930
Sarpsborg
Død

25. mars 2017 (86 år)
Sarpsborg

Yrke fotballspelar

Asbjørn Hansen (29. mai 193025. mars 2017)[1]var ein norsk landslagsmålvakt i fotball og cupmeister med IL Sparta i 1952. I tida 1952-61 spelte han 52 landskampar for Noreg.

Aktiv[endre | endre wikiteksten]

Hansen debuterte på det norske landslaget i ein bortekamp mot Jugoslavia i Zagreb 25. juni 1952, tre veker før dei to landa begge reiste til Sommar-OL i Helsinki. Hansen var med i OL-troppa, men det var veteranen Tom Blohm som fekk vakte målet då Noreg tapte 1-4 mot Sverige og vart utslått i 1. runde. Etter olympiaden var han jamnaste fyrstevalet som Noregs målvakt i ti sesongar framover, bortsett frå 1958-sesongen.

Hausten 1952 var Hansen ei viktig brikke då IL Sparta opplevde å gå heilt til NM-finalen, der laget vann 3-2 over eit anna overraskingslag, Solberg IF frå Buskerud. Han spelte på Sparta til laget i 1958 enda sist i Hovudserien. Sidan stod han i mål hos byrivalen Sarpsborg Fotballklubb til han la opp.

«I sine største kamper leverte Asbjørn Hansen keeperspill av høyeste europeiske klasse». Han «grep resolutt og befriende inn i prekære situasjoner, arbeidet glimrende i feltet og ga klar beslkjed når han dirigerte sine forsvarsspillere», skriv Magnus Breili i Fotballboken.

Merittar[endre | endre wikiteksten]

  • Noregsmeister: 1952 med IL Sparta

Referansar[endre | endre wikiteksten]

  1. «Asbjørn Hansen er død». Sarpsborg Arbeiderblad. 28. mars 2017. Henta 31. mars 2017. 

Bakgrunnsstoff[endre | endre wikiteksten]