Asbjørn Sjøthun

Asbjørn Sjøthun
	Asbjørn Sjøthun
	;
Fødd	20. juli 1927; Balsfjord kommune
Død	28. mars 2010 (82 år)
Statsborgar av	Noreg
Parti	Arbeidarpartiet
Yrke	politikar
Alle verv	stortingsrepresentant (1969–1973); ordførar i Balsfjord; vararepresentant til Stortinget (1961–1965); vararepresentant til Stortinget (1965–1969); stortingsrepresentant (1973–1977); stortingsrepresentant (1977–1981); stortingsrepresentant (1981–1985); stortingsrepresentant (1985–1989) ;

Asbjørn Sjøthun (20. juli 1927–28. mars 2010) var ein norsk gardbrukar og politikar frå Balsfjord i Troms. Han var stortingsrepresentant frå Troms og for Arbeidarpartiet i perioden 1969–89.

Etter han gjekk Troms landbruksskole på Gibostad vinteren 1947/48, var Sjøthun lærarvikar i folkeskulen i Balsfjord og Storfjord fram til 1951. Han tok då over farsgarden Vollan i Balsfjord og dreiv denne i fleire tiår.

Sjøthun var medlem i heradsstyret i Balsfjord i fire samfulle periodar, 1956-71. Han var ordførar i Balsfjord i tida 1962 til 1969, då han vart vald til stortingsrepresentant for Troms fylke. Med attval i 1973, -77, -81 og -85 hadde Sjøthun sete i Stortinget i 20 år. Alle tjue stortingssesjonane var han med i Landbrukskomitéen. Han var ordinær medlem dei fyrste åtte sesjonane, dei neste åtte var han sekretær og dei fire siste leiar i komiteen.

Fram til 1992 var Sjøthun disponent for Troms Skogeierforening.

Kjelder[endre | endre wikiteksten]

«Asbjørn Sjøthun». Stortinget.no.