Aslak Anders Persen Tornensis

Frå Wikipedia – det frie oppslagsverket
Hopp til navigering Hopp til søk
Aslak Anders Persen Tornensis
Fødd 1965

Masi

Parti Høgre
Verv Varaordførar i Kautokeino
 - periode 2003–2006
 - etterfylgjar Anton Dahl

Aslak Anders Persen Tornensis (fødd 1965 i Masi) er ein norsk økonom[1] og tidlegare lokalpolitikar for Høgre. Han vart vald til varaordførar i Kautokeino kommune den 31. oktober 2003[2] og hadde vervet til han søkte om fritak og fekk det på sommaren i 2006.[3][4] Han hadde då hatt permisjon sidan tidleg i januar same året etter å ha vorte sikta for seksuell omgang med mindreårig.[5] Tornensis vart sidan tiltalt for handlingane[6] og dømd til fengselsstraff.[7][8]

Varaordførar i Kautokeino[endre | endre wikiteksten]

Aslak Anders Tornensis vart innvald som einaste representanten frå Høgre i kommunestyret i Kautokeino ved kommunevalet i 2003. Før konstitueringsmøtet hadde Høgre i Kautokeino inngått skriftleg avtale med Venstre om å stemme på deira kandidat i ordførarvalet. Då Tornensis fekk tilbod om vervet som varaordførar mot å stemme på ordførarkandidaten til Samefolkets Parti valde han å bryte den skriftlege avtalen, og det vart fleirtal for Klemet Erland Hætta som ordførar og Tornensis som varaordførar.[1] Leiaren for Kautokeino Høgre gjekk etterpå ut og sa at det som hadde skjedd var skuffande.[9]

Referansar[endre | endre wikiteksten]

  1. 1,0 1,1 «Kjempet til fløyta gikk». Finnmark Dagblad. 4. november 2003. Henta 17. november 2011. 
  2. Møteprotokoll Kautokeino kommunestyre
  3. «Varaordfører tilstår overgrep». Nettavisen. 2. august 2006. Henta 17. november 2011. 
  4. «Dahl ny varaordfører». Finnmark Dagblad. 23. oktober 2006. Henta 17. november 2011. 
  5. «Tar permisjon etter sex-siktelse». NRK Nordnytt. 5. januar 2006. Henta 17. november 2011. 
  6. «Innrømmet sex med mindreårig». Dagbladet. 18. desember 2006. Henta 17. november 2011. 
  7. «6 månader for sex-misbruk». NRK Nordnytt. 3. januar 2007. Henta 17. november 2011. 
  8. «Fikk strafferabatt». NRK Sápmi. 24. juli 2007. Henta 17. november 2011. 
  9. «Dramatisk ordførervalg i Kautokeino». NRK Finnmark. Henta 17. november 2011.  Parameteren |Dato= er ikkje støtta av malen. Meinte du |dato=?) (hjelp)