Asma Jahangir

Frå Wikipedia – det frie oppslagsverket
Asma Jahangir

Statsborgarskap Pakistan
Fødd 27. januar 1952
Lahore
Død

11. februar 2018 (66 år)
Lahore

Yrke menneskerettsaktivist, advokat
Asma Jahangir på Commons

Asma Jilani Jahangir (27. januar 195211. februar 2018) var ein menneskerettsaktivist og advokat frå Pakistan.[1]

Jahangir vart sett i husarrest fleire gonger.[2] Ho vart fengsla i 1983 for å delteke i kampen mot militærregimet til president Zia-ul-Haq. Ho førte òg ein aktiv kamp mot islamiseringspolitikken til ul-Haq, og forsvarte personar skulda for blasfemi, kvinner som stod i fare for æresdrap og religiøse minoritetar. I 1987 var ho med på å stifta den uavhengige Human Rights Commission of Pakistan (HRCP), og leidde organisasjonen i fleire år.[1]

Asma Jahangir vart den første kvinnelege presidenten i Pakistans høgsterettsadvokatforeining, noko som vart sett på som ein siger for progressive krefter og kvinnerettar. Ho var visepresident for International Federation for Human Rights, FNs spesialrapportør for utanomrettslege avrettingar (1998–2004), for religions- og trusfridom (2004–2010), og for menneskerettssituasjonen i Iran (2016–2018). Ho sat i FN-panelet for gransking av Sri Lankas brot på menneskerettar, og drog på FN-oppdrag for å samla inn informasjon om israelske busetjingar.

Jahangir fekk fleire prisar. I 2014 fekk ho Right Livelihood Award, saman med den amerikanske IT-teknikaren og varslaren Edward Snowden, for forsvaret sitt for menneskerettar i Pakistan under «svært vanskelege og komplekse situasjonar og stor personleg risiko». I 2018 vart Jahangir posthumt tildelt Nishan-e-Imtiaz, den høgaste sivile utmerkinga i Pakistan.[3][4]

Kjelder[endre | endre wikiteksten]

  1. 1,0 1,1 Dawn.com (11. februar 2018), «Leading human rights lawyer Asma Jahangir passes away in Lahore», DAWN.COM (på engelsk), henta 10. november 2021 
  2. Ijaz, Saroop, «Asma Jahangir (1952-2018): The human rights icon from Pakistan was a feisty street fighter», Scroll.in (på engelsk), henta 10. november 2021 
  3. «Asma Jahangir, Junaid Jamshed, Afridi, Misbah among 141 nominated for Civil Awards», www.thenews.com.pk (på engelsk), henta 10. november 2021 
  4. «Pakistan set to honour Asma Jahangir, Fidel Castro on March 23», The Express Tribune (på engelsk), 17. mars 2018, henta 10. november 2021 

Bakgrunnsstoff[endre | endre wikiteksten]

Commons har multimedium som gjeld: Asma Jahangir