Asmus Jacob Carstens

Asmus Jacob Carstens
Statsborgarskap	Tyskland, Kongeriket Danmark
Fødd	10. mai 1754 Schleswig
Død	25. mai 1798 (44 år) Roma
Yrke	kunstmålar, bøkkar, grafisk designar, teiknar
Sjanger	portrett
Asmus Jacob Carstens på Commons

Asmus Jacob Carstens (10. mai 1754–25. mai 1798) var ein dansk-tysk kunstmålar.

Carstens var fødd i Skt. Jørgen ved Slesvig i hertugdømet Slesvig, I 1776 kom han til København for å studera ved Det Kongelige Danske Kunstakademi. Dei store stilistiske førebileta hans var renessansemålarane Michelangelo Buonarroti og Raffaello Santi. Samtidig studerte han forfattarar frå antikken som Homer, Sofokles, Platon og seinare forfattarar som Dante, Shakespeare og Ossian.

På grunn av usemjer med leiinga i akademiet blei han relegert. Deretter drog han til Italia i 1783. Etter opphaldet reiste han til Lübeck, der han levde av å måla portrett. Carstens var i Lübeck fram til 1788

I 1788 og 1789 stilte han ut i Berlin og fekk ein pris frå kunstakademiet i byen. I 1790 blei han utnemnd til professor ved teikneklassen til akademiet. To år seinare fekk han eit reisestipend og drog til Roma. Han bestemte seg for å bli verande i byen, og braut med akademiet i Berlin. Han døydde i Roma i 1798.

Carstens blei med det nyklassisistiske måleriet sitt eit førebilete for mange danske og tyske kunstnarar i Roma, mellom anna Bertel Thorvaldsen.

I hagen ved Ny Carlsberg Glyptotek i København er det eit monument over Carstens som er utført av Theobald Stein.

Galleri

• 
  Ajax med Termessa og Eurysakes, ca. 1791
• 
  Natt og barna hennar, Søvn og Død, 1794
• 
  Fingal overvinder Soras gud, Loda, , 1797
• 
  Ganymede, 1793
• 
  Bacchus pg Cupid, 1796

Kjelder

• Denne artikkelen bygger på «Asmus Jacob Carstens» frå Wikipedia på bokmål, den 14. februar 2025.