Asymptomatisk

Lungekontusjon som følgje av fysisk traume er døme på ein tilstand som ofte er asymptomatisk. Halvparten av pasientar visar ingen teikn, og det kan ta tid før symptoma utviklar seg. CT-bilete visar lungekontusjon (raud pil) og ribbeinsbrot (lilla pil).

I medisin kan sjukdommar kallast asymptomatiske viss beraren av ein sjukdom eller infeksjon ikkje merkar symptom. Ein tilstand kan reknast for å vere asymptomatisk viss dei vanlege symptoma ikkje oppstår. Asymptomatiske infeksjon blir òg kalla subkliniske infeksjonar.

Det er viktig å veta at ein tilstand er asymptomatisk fordi:

• den kan utvikle symptom på eit seinare tidspunkt og difor vil krevje vaktsam venting eller tidleg behandling
• den kan løyse seg sjølv eller verte godarta
• personen kan trenge behandling for å unngå påfølgande utvikling av til dømes høgt blodtrykk eller høgt kolesterol
• asymptomatisk hypotyreose kan gjere pasienten sårbar for Wernicke-Korsakoffs syndrom eller beriberi etter intravenøs behandling med glukose
• pasienten kan vere infeksiøs og uvetande spreie infeksjonen til andre

Eit døme på ein asymptomatisk sjukdom er infeksjon av cytomegalovirus (CMV), som høyrer til herpesvirus. Ein reknar med at 1 % av alle nyfødde er infiserte med CMV, men storparten av infeksjonane er asymptomatiske.

Asymptomatiske sjukdommar

Dette er ei liste over sjukdommar som ofte kan vere asymptomatiske.

Alkaptonuri Aortastenose Atrieflimmer Balanitis xerotica obliterans Benign lymfoepitelial lesjon Carotisdisseksjon Covid-19 Kavernøst hemangiom Myeloid sarkom Kronisk myelogen leukemi Cøliaki Iskemisk hjartesjukdom Diabetisk retinopati Primær fruktosuri Glioblastoma multiforme Glukose-6-fosfat-dehydrogenase-mangel

Arveleg elliptocytose Heterofori Høgt blodtrykk (hypertensjon) Histidinemi Hyperaldosteronisme Høgt kolesterol (hyperlipidemi) Hyperprolinemi Hypotyreose Idiopatisk trombocytopenisk purpura Irisdialyse Lesch–Nyhans syndrom Levotransposisjon av aorta Meckels divertikkel Mitralprolaps Monoklonal B-cellelymfocytose

Myelolipom Papilleekskavasjon Pes cavus Preeklampsi Prehypertensjon Protrusio acetabuli Renal tubulær acidose Spermatocele Kilebeinsvingemeningiom Spider nevus Miltinfarkt Subaraknoidalbløding Tonsillolitt Diabetes mellitus type 2 Vaginal intraepitelial neoplasi Wilsons sjukdom

Sjå òg

• symptomatisk
• subklinisk infeksjon
• symptomatisk behandling
• liste over medisinske symptom
• asymptomatisk berar
• latent tuberkulose
• patogenese

Kjelder

• Denne artikkelen bygger på «Asymptomatic» frå Wikipedia på engelsk, den 1. februar 2015.