Audun Tylden
| Audun Tylden | |
| Statsborgarskap | Noreg |
| Fødd | 29. oktober 1948 Voss herad |
| Død |
24. januar 2011 (62 år) |
| Yrke | musikkprodusent |
| Far | Per Tylden |
Audun Tylden (29. oktober 1948–24. januar 2011) var ein norsk platedirektør og plateprodusent.
Karriere[endre | endre wikiteksten]
Tylden vart fødd på Voss, men voks opp i Trondheim[1] I åra 1971 - 1982 var han innspelingssjef og norskansvarleg i plateselskapet PolyGram Records. I 1972 signerte han den fyrste platekontrakten med Jonas Fjeld Rock 'n Rolf Band. I 1981 var han ein av oppstartarane av plateselskapet Slagerfabrikken. Tylden heldt fram i Slagerfabrikken fram til 1992, då han starta sitt eige plateselskap, Tylden & Co saman med Tom Hovde. Tylden var dagleg leiar her frå 1992 til han døydde. Han hadde særleg betydning for sjangeren dansebandmusikk i Noreg.
Auden Tylden var i ein periode styreformann i FONO, og han sat i Spellemannskommiteen. I løpet av karrieren sin har han jobba med eit hundretals norske artistar, blant andre Øystein Sunde, Lillebjørn Nilsen, Olav Stedje, Trøste & Bære, Ole Ivars, Vazelina Bilopphøggers, DDE, Ketil Bjørnstad, Odd Børretzen og Lars Martin Myhre.
Tylden døydde av hjartestans under Midem-festivalen i Cannes i januar 2011 etter lang tids kreftsjukdom.[1]
Sonen, Andreas Tylden, var vokalist i bandet JR Ewing.
Utmerkingar[endre | endre wikiteksten]
- Bjellesauprisen i 2004.
- Bransjeprisen under Spellemannprisen 2008.
- Kongens fortenestmedalje i gull i 2009.
Referansar[endre | endre wikiteksten]
- ↑ 1,0 1,1 Audun Tylden er død hjå Aftenposten
Kjelder[endre | endre wikiteksten]
- Artikkelen er basert på Audun Tylden frå bokmålswikipedia, 27. januar 2011.