Aust-Anatolia

Frå Wikipedia – det frie oppslagsverket

Aust-Anatolia

Aust-Anatolia (tyrkisk Doğu Anadolu Bölgesi) er ein av sju regionar i Tyrkia og består av dei austlegaste provinsane i landet.

Regionen og namnet Doğu Anadolu Bölgesi vart først definert av Den første geografikongressen i 1941. Regionen har den høgaste gjennomsnittshøgda i Tyrkia, er størst i utstrekning og har lågast folketettleik av alle regionane i Tyrkia. Ein del av regionen vart tidlegare kalla Det armenske høglandet, eller berre Armenia.[1][2]

Aust-Anatolia ligg heilt aust i Tyrkia og grensar til Sentral-Anatolia i vest, Svartehavsregionen i nord, Søraust-Anatolia og Irak i sør og Iran, Aserbajdsjan, Armenia og Georgia i aust.

Regionen dekkjer 171 061 km², 21% av det totale arealet til Tyrkia. Det bur totalt kring 6,1 millionar innbyggjarar i regionen.

Provinsar[endre | endre wikiteksten]

Aust-Anatolia

Geografi[endre | endre wikiteksten]

Gjennomsnitthøgda i regionen er 2200 meter med store sletter, platå og massiv. Det er noko vulkansk aktivitet i regionen. Det høgaste fjellet i Tyrkia, Ararat, ligg i denne regionen. Det same gjer dei andre vulkanane Nemrut, Süphan og Tendürek. Den største innsjøen i Tyrkia, Vansjøen, ligg òg i regionen.

Galleri[endre | endre wikiteksten]

Kjelder[endre | endre wikiteksten]

  1. Lynch, H.F.B., "Armenia, Travels and Studies" London, 1901, vol2 p391. "The natural boundery between Armenia and Asia Minor is the course of the Western Euphrates between the town of Kemah, and its passage through Taurus below Keban-Maden."
  2. Oswald, Felix "A Treatise on the Geology of Armenia", London, 1906.