Avisa Møre
| Møre | |||
| Land | Noreg | ||
|---|---|---|---|
| Type | Lokalavis | ||
| Org.nummer | 910031031 | ||
| Grunnlagd | 1810 | ||
| Grunnlegger(ar) | Mauritz Aarflot | ||
| Språk | Norsk | ||
| Nettstad | https://mre.no (nynorsk) | ||
Møre er ei avis som vert utgjeven i Volda på Sunnmøre i Møre og Romsdal fylke. Ho er rekna som den fyrste lokalavisa som vart starta i Noreg. Avisa vert redigert på nynorsk.
Fyrste redaktør var Sivert Aarflot (1759–1817), som starta avisa på Ekset i Volda i 1810. Avisa fekk frå starten namnet Norsk Landboeblad. Andre namn på avisa har vore Landboe-Avisen, Postbudet, Møringen og Ugebladet. Familien Aarflot sit framleis i leiinga av avisa. Tore Aarflot og dottera Tonje Marie Nupen Aarflot tok over avisa i 2013. Tore er redaktør/dagleg leiar,[1] medan Tonje Marie har ei sentral rolle i administrasjonen.[2]
Møre vert utgjeven av Aarflots prenteverk AS. Trykkeriet vart grunnlagt av Sivert Aarflot i 1809.[3]
Opplagstal
[endre | endre wikiteksten]Utvikling i nettoopplag.[4]
| År | Nettoopplag |
|---|---|
| 2004 | 3 775 |
| 2005 | 3 746 |
| 2006 | 3 759 |
| 2007 | 3 752 |
| 2009 | 3 722 |
| 2010 | 3 690 |
| 2014 | 3 373 |
Kjelder
[endre | endre wikiteksten]- ↑ «Redaksjonen», Møre (på norsk), henta 25. oktober 2025
- ↑ «Dei tilsette», Møre (på norsk), henta 25. oktober 2025
- ↑ «Historia om firmaet», Møre (på norsk), henta 25. oktober 2025
- ↑ Mediebedriftenes Landsforening Opplag- og lesartal. Nettoopplaget er eit mål for betalt opplag.
 |