Avisa Sunnhordland
| Sunnhordland | |||
| Land | Noreg | ||
|---|---|---|---|
| Type | Lokalavis | ||
| Org.nummer | 927609185 | ||
| Grunnlagd | 1. mai 1902 | ||
| Eigarar | Polaris Media | ||
| Språk | Norsk | ||
| Hovudkvarter | Stord kommune | ||
| Nettstad | https://sunnhordland.no (norsk bokmål) | ||
Sunnhordland er ei avis som kjem ut to dagar i veka på Leirvik på Stord. Avisa vert gjeven ut av Bladet Sunnhordland A/S. Sunnhordland tek mål av seg å dekkja kommunane Stord, Fitjar, Tysnes, Kvinnherad og Bømlo. Kommunane ligg i regionen Sunnhordland, sør i Vestland fylke.
Avisa hadde i 2009 27 000 lesarar per utgåve, viser tal frå Forbruker & Media.
Jens Hystad d.e. starta avisa i 1902. Fram til 1973 var Sunnhordland nærast einerådande i regionen. Avisa har seinare vorte familieaksjeselskap og vert i dag driven av tredje generasjon med Jens Hystad som dagleg leiar og Håvard Hystad som ansvarleg redaktør. Redaksjonen tel 12 medarbeidarar, som utgjer 10 årsverk. Totalt er det 35 tilsette i verksemda. Avisa har eige lokalkontor på Fitjar.
Avisa lanserte si eiga nettutgåve 29. april 2006, som den nest siste dagsavisa i Noreg. Nettsida hadde i 2009 over 16.000 unike brukarar i veka. Samstundes lanserte dei ei pdf-løysing, der ein kan abonnera på nedlasting av avisa i staden for å få henne på papir.
Opplagstal
[endre | endre wikiteksten]Utvikling i nettoopplag.[1]
| År | Nettoopplag |
|---|---|
| 2000 | 8 506 |
| 2001 | 8 400 |
| 2002 | 8 242 |
| 2003 | 8 179 |
| 2004 | 8 183 |
| 2005 | 8 185 |
| 2006 | 7 985 |
| 2007 | 7 832 |
| 2008 | 7 832 |
| 2009 | 7 498 |
| 2010 | 7 137 |
| 2014 | 6 571 |
Kjelder
[endre | endre wikiteksten]- ↑ Mediebedriftenes Landsforening Opplag- og lesartal. Nettoopplaget er eit mål for betalt opplag.
