Bård Jørgen Elden

Frå Wikipedia – det frie oppslagsverket
Hopp til navigering Hopp til søk
Bård Jørgen Elden
Fødd 17. juni 1968
Namdalseid
Yrke kombinertløpar

Bård Jørgen Elden (fødd 17. juni 1968) frå Namdalseid er ein norsk, tidlegare kombinertrennar og seinare -trenar. Under VM 1989 var han med på det norske laget som vann gull i lagkonkurransen. Han vann ein siger i verdscupen i kombinert i 1989 og vart noregsmeister i 1992. Elden hadde sin styrke i langrennsløypa og hadde oftast beste langrennstid. Han representerte Namdalseid IL

Han er bror til skirennaren Trond Einar Elden.

Aktiv[endre | endre wikiteksten]

Elden debuterte i verdscupen i mars 1987 i Kavgolovo og vart nummer elleve. Året etter vart han som best nummer åtte i eit verdscuprenn. 21. januar 1989 vann han sitt fyrste og einaste verdscuprenn i Breitenwang, på plassane bak fylgde Stanislaw Ustupski frå Polen og Klaus Sulzenbacher frå Austerrike. Ein månad etter var det klart for ski-VM i Lahti, der bror hans tok ein klar siger i den individuelle tevlinga. Endå større var sigersmarginen for begge brørne Elden og Trond Arne Bredesen då dei tre sigra i lagtevlinga.

Bård Jørgen Elden heldt frå å tevle i kombinert, men var berre sjeldan i stand til å utfordre dei aller beste i kampen om pallplassane. Sjølv om han var den beste langrennsløparen av kombinertløparane hadde han som oftast for mykje tid å ta att etter hoppinga i bakken. Dermed fekk han knappast høve til å representere Noreg i dei internasjonale meisterskapane. Eit unnatak var ski-VM 1993 i Falun der han vart nummer åtte i den individuelle øvinga, men sidan Noreg hadde tre utøvarar høgre oppe på resultatlista fekk han ikkje plass på tremannslaget som deltok i lagtevlinga.

Trenar[endre | endre wikiteksten]

Frå 1998 var Elden hopptrenar og åra 2003-06 sjef for det USA-amerikanske kombinertlandslaget. Han var trenar for Johnny Spillane då denne vart verdsmeister i 2003. Våren 2006 overtok han som sjef for det norske kombinertlandslaget. Perioden 2009-12 var han landslagstrenar for Austerrike, eit landslag som noterte seg for mange triumfar i dei gjeldande åra.

Besteplasseringar i internasjonale renn og meisterskap[endre | endre wikiteksten]

  • 1988: Nr 8 i Seefeld
  • 1989: Vinnar i Breitenwang. Gullmedalje i lag i ski-VM i Lahti
  • 1990: Nr 5 i Kavgolovo
  • 1991: To gongar nr 9
  • 1991/92: Nr 3 i Strbske Pleso
  • 1993: Nr 8 i ski-VM i Falun. Nr 6 i Schonach
  • 1994: Nr 5 i Vuokatti
  • 1995: Nr 5 i Sapporo
  • 1995/96: Nr 2 i Steamboat Springs
  • 1996/97: Nr 6 i Steamboat Springs

Medaljar og besteplasseringar i noregsmeisterskap[endre | endre wikiteksten]

Bakgrunnsstoff[endre | endre wikiteksten]