Baga i Nigeria
| Baga | |||
| by | |||
 Stråhytter i Baga i 1977.
| |||
| Land |  Nigeria
| ||
|---|---|---|---|
| Stat | Borno | ||
 Baga i Nigeria 13°07′08″N 13°51′24″E / 13.11880556°N 13.85658333°E | |||
| Wikimedia Commons: Baga, Nigeria | |||
Baga er ein by i Borno-staten i Nordaust-Nigeria. Baga ligg ved Tsjadsjøen, og hadde ved inngangen av 2015 ca. 10 000 innbyggjarar.[1] Staden ligg nordaust for den historiske byen Kukawa og rundt 196 km frå Maiduguri, delstatshovudstaden i Borno.[2]
Baga var tidlegare ein fiskarlandsby som låg like ved Tsjadsjøen. I 1960- og 1970-åra låg han like ved sjøen, men ettersom Tsjadsjøen har krympa har fiskarane måtta flytta. I 2000 blei Doron Baga-fiskemarknaden halden rundt 6 km frå byen.[2] Innbyggjarar som ikkje har flytta har i staden gått over til å driva med landbruk.[3][4][5]
Terroriståtak[endre | endre wikiteksten]
I april 2013 blei over 185 menneske drepne og over 2000 heimar øydelagde i Baga gjennom kampar mellom den nigerianske hæren og islamistgruppa Boko Haram.[6]
I januar 2015 blei staden nok eingong angripen av Boko Haram. Militærbasen ved landsbyen blei teken, husa i landsbyen blei brende og innbyggjarane blei drepne. Flyktningar rapporterte om 2000 døde.[7] Innbyggjarane i Baga flykta til trygge stader i Borno og til nabolandet Tsjad.[8]
Satellittbilde frå 2. og 7. januar blei gjevne ut av Amnesty International og viste at rundt 620 bygningar var blitt skadde eller øydelagde av brann. I Doron Baga (eller Doro Gowon), rundt 2,5 km unna, var fiskebåtane forsvunne og «meir enn 3 100 strukturar var skadde eller øydelagde av brann.»[9]
Kjelder[endre | endre wikiteksten]
- ↑ «Boko Haram crisis: Nigeria's Baga town hit by new assault», BBC News, 8 January 2015
- ↑ 2,0 2,1 Mukhtar, Yakubu and Waziri A. Gazali. «The Dynamics of Fish Trade in North-East Nigeria: A Case Study of Doron Baga», Berichte des Sonderforschungsbereichs 268, Band 14, Frankfurt a.M. 2000: 83-91
- ↑ Idris, Hamza et al. (30 June 2012) «Nigeria: Northern Communities Losing Territory to Desert», Daily Trust (AllAfrica.com)
- ↑ Bomford, Andrew (14 April 2006). «Slow death of Africa's Lake Chad», BBC News («Just 30 years ago, water covered the whole area. Baga was a waterfront town. Now it is stranded many miles from the lake as the land around it becomes desert.»)
- ↑ Murray, Senan (15 January 2007). «Lake Chad fisherman pack up their nets», BBC News
- ↑ «Nigeria fighting 'kills scores' in Baga», BBC News, 22 April 2013, henta 10. januar 2015
- ↑ «Boko Haram massacre thousands, says Amnesty International», Sydney Morning Herald, 10. januar 2015, henta 11 January 2015; Nigeria: Massacre possibly deadliest in Boko Haram’s history, Amnesty International, 9. januar 2015, henta 11. januar 2015
- ↑ «Boko Haram seizes army base in Nigeria town of Baga». BBC News. 4 January 2015.
- ↑ Amnesty International. «Nigeria: Satellite Images Show Horrific Scale of Boko Haram Attack On Baga». allAfrica.com, January 15, 2015
- Denne artikkelen bygger på «Baga, Nigeria» frå Wikipedia på engelsk, den 26. januar 2015.